IMAMAT 26:25 - Susula Malalaok Hehelu Palak Ma Hehelu Beuk

²⁵ Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:25 ပူးပေါင်းရင်းမြစ်များ

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

1RAJA-RAJA 8:33

Metema musu a sengi O anam Israel nanahu ala lasala-lasingo, boema ala fali leo O mai ma ala fe ha'da-holomata neu O da'dileo Manetualain, basa boema ala mai leo uma hule-haladoik ia mai boema ala dokodoe loke do'o do ampon neu O soona,

1RAJA-RAJA 8:37

Metema la'andoes do he'di-laus sa'e na nusak ia, ma ani mato'bi ka, lama-bobo'i do lamak-kala tao lalutu bubu'u-palusa nala, do metema musu a sapun-na O ana mala do he'di-laus sapun-nalas soona,

2RAJA-RAJA 17:3

Salmaneser, fo Asyur manen-na, natee-nata'ti non, de ana sengin, nalosa tunga teuk, ana muse bae bea leo mane Asyur-ra neu.

2TAWARIKH 24:24

Solda'du Siria-la dede'un-na ka'da lumanak mesan, tehu Manetualain po'ilotak-kasa sengi solda'du Yehuda-la fo dede'un-na makadotok nanseli, nanahu hataholi Yehuda-la ta taoafik neu Amak fo sila bei-ba'i kain Manetualain-na fa. No enok ndia, Manetualain huku Manek Yoas-sa.

MAZMUR 94:1

Ou Manetualain, O nde Manetualain fo manabalas matu'du O babalam-ma, ou Manetualain.

KELUARAN 5:3

Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YESAYA 65:12

Neukose emi basa-basam-mala mate, da'di leo tutunu-hohotu laka-nakasetik. Nana lelek Au aloo, emi ta mataa fa, ma lelek Au kokolak, emi ta mamanene fa. Emi nau ka'da lena-la'ban Au, ma tao hata fo mangalauk.

YEREMIA 19:7

Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

YEREMIA 24:10

Neukose Au uni fe sila natee-natatik, la'a-ndoes, ma he'di laus matuaina, de nalosa sila basas mate, de ta hapu ela esa boen nai nusak ia, fo Au fen neu sila ma sila bei-ba'i kai manamaten-nala.”

YEREMIA 50:28

Basa hataholi mana malai leo Yerusalem fo mana neme Babel-la ala tui ita Amak Manetualain balas hataholi Babel-la tatao-nono'i neu Manetualain Uman-na.)

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

RATAPAN 2:21

Lasi-mulik mate lalefule'ak nai enok lain, ta'eanak-anafe'oanak-kala mate loo tafaina. Nai faik fo O mamanasa, O do'dos ta no dale kasian fa.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 20:37

Neukose, Au tao emi no balakaik, fo ela emi tunga Au hehelu-balataang.

YESKIAL 29:8

Hu ndia de Au, Manetualain Fo Mademaina, afa'da o, ae neukose Au adenu solda'du-la leni tafaina fo leu sapu-la o, fo ala taolisa o laum-mala, ma o bana-manum-mala.

YESKIAL 33:2

“Hai hataholi daebafak fo, manasapu-manalalok-konei, mafa'da o leoina, mae metema Au fe natee-natatik neu nusak esa soona, nusak ndia laun-na, hele sila hataholin esa, fo ana da'di manamanea.

YESKIAL 5:17

Fe'ek neme susa-soe la'a-ndoes-sa mai, neukose Au fe la'a-ndoes, tatao-nono'ik fo ta nalelak susue-lalaik-ka, natee-natatik soaneu taonisa o laum-mala, ma bana makaa-makisuk soaneu taonisa anan-nala. Au, fo Manetualain, nde manakokolak-ka.”

YESKIAL 6:3

Madenus, fo lamanene ma ala taoafik neu hata fo Au, Manetualain Fo Mademaina, nafa'dan neu letek sila-la, neu pupukuk-kala, bafak-kala, ma bafak-kala boe. Tete'ek-ka, neukose Au haitua tafaina ne'i, fo ana tao nakalulutuk mamana sosongo-tatangok-kala.

HOSEA 11:6

Natee-nata'tik-ka, neukose lua da'pa-da'pa losa leo sila kotan dale neu, neukose tao lalutu lelesuina-la, ma Au anang-ngala nanatao namopo-namatek. Dede'ak ndia ana da'di, nanahu ala tunga sila hihii-nanau mesan-nala,

IMAMAT 26:6

Neukose, Au fe emi so'da-molek nai emi nusam ndia dalek, nalosa emi bisa sungu no nee-nee lino-linok, ma emi ta bii-mamata'u neu su'di see boen. Neukose Au tao amopo-amate bana makaa-makisuk-kala neme nusak ndia dalek mai, ma neukose ta hapu natee-natatik nai emi nusam-ma so'on.

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

HABAKUK 3:5

O madenu he'di-laus la'ok nai matam-ma ma mamates-sa tunga O deam-ma.

BILANGAN 14:12

Neukose, Au tao amopo-amates nenik Au fe he'di laus madaik-ka la'es. Tehu, neukose Au tao o da'di amak, neme leoina esa matua lena, ma balakain-na lena henis!”

BILANGAN 16:49

Lelek ndia, hataholi manamatek-kala, hataholi 14.700, ta nanalekek no hataholi manamatek nai lelek Korah la'ban Musa paletan-na fa.

BILANGAN 31:3

Boema, Musa nafa'da leoina Israel-la nae, “Maheheleaom leona, fo meu matee-matati; emi muse sapu-ma hataholi Midian-nala, fo tao matetu Manetualain huhukun-na neus.

LUKAS 21:11

Nai basa mamanak lala'ena, neukose dae a nanggengo matua ina, la'andoes ma he'di-lau sa. Neukose dede'a matuaina la ala da'di nai lalai.

ULANGAN 28:21

Neukose, he'di-laus la'e emi tataas esa, nalosa neu mate'en-na te, ta ela emi esa boen, fo ana leo nai nusak fo, emi mangatuu-man ndia fa.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

ULANGAN 32:41

Neukose, Au fofola Au tafainang-nga, fo isin-na nangale'do, fo Au akalala'ok huhukuk-ka. Au balas basa manalena-la'ban neu Au-a, ma Au huku basa hataholi fo, ana ta hii Au fa.

HAKIM-HAKIM 15:11

Lamanene dede'ak ndia boema, hataholi Yehuda lifun telu, leu leo leak manai pupuku batu manai Etam leu. Ala losa naa boema, lafa'da lae, “Simson, ade o ta bubuluk, mae hataholi Filistin-nala koasa ita fa do? O tao ami le'e ia so!” Boema, Simson nataa nae, “Ka'da au balas sila tatao-nono'in neu au-a.”