IMAMAT 26:18 - Susula Malalaok Hehelu Palak Ma Hehelu Beuk

¹⁸ Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:18 ပူးပေါင်းရင်းမြစ်များ

MAZMUR 119:164

Au oke makasi nakandondoo henin neu O, nanahu, O hoholo-lalanem fo, ndoos ma matetuk-ka.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 14:4

U'dan-na ta mai fa de dae-a tuk metomelok; manamaue-la potiketu mata-panan-nala nana delen-na ba'ihana nanseli.

DANIAL 3:19

Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

IMAMAT 26:21

Metema, emi bei lena-la'ban mahele Au boe, ma ta nau tunga Au fa, soona neukose, Au popo-tama seluk emi huhukum-ma la'i hitu.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

SEMUEL SUSULAK-KA ESAN-NA 2:5

Hataholi fo makahulun-na nakabete nanahu nana'a-nininun sasi kao-kao, besak ia, ana da'di hataholi mana'a ngga'di, ka'da soaneu hapu nana'ak. Hataholi fo makahulun-na namala'a-namandoe, besak ia namahokok, nana'a-nininun dai so. Saoinak kalate'dis-sa, besak ia dalen-na namatua, ana bongi-na ni'iana hitu so! Tehu inak fo anan ba'uk-ka, dalen-na he'dis-sa, nanahu ana-nala mate la'oelan.