IMAMAT 26:17 - Susula Malalaok Hehelu Palak Ma Hehelu Beuk

¹⁷ Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

IMAMAT 26:17 ပူးပေါင်းရင်းမြစ်များ

KEJADIAN 4:12

Metema o tao tina-osi soona, neukose dae-a ta fe buna-boak hata esa boen; neukose o da'di maleu-malaak, fo ta nanuu mamana leleok nai daebafak-ka fa.”

1RAJA-RAJA 8:33

Metema musu a sengi O anam Israel nanahu ala lasala-lasingo, boema ala fali leo O mai ma ala fe ha'da-holomata neu O da'dileo Manetualain, basa boema ala mai leo uma hule-haladoik ia mai boema ala dokodoe loke do'o do ampon neu O soona,

2RAJA-RAJA 13:3

Hu nde de Manetualain namansa Israel, nalosa Ana po'ilotak Hazael, fo mane Siria, no anan Benhadad, sengi Israel-la'i nono'ik.

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

MAZMUR 44:10

Tehu besak ia, O la'oela ami, ma O po'ilotak ami kala. O ta tutulumatak seluk sama-sama moo ami fa.

MAZMUR 53:5

Manetualain nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”

MAZMUR 53:6

Hataholi mangalauk-ka, neukose ana bii-namata'u nanseli, te se'kona, ta hapu manamakatata'auk fa, nana Manetualain nggenggela-ngganggali hataholi manalakahapi-la emi-a, duin-nala; Manetualain tipas so, de neukose emi sengis.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 19:7

Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

YEREMIA 44:11

Hundia de, Au, Manetualain Fo Manakoasa, fo Israel Manetualain-na neukose la'ban emi ma tao akalulutuk basa la'iesak Yehuda lala'en-na.

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

RATAPAN 2:4

Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.

YESKIAL 15:7

Neukose, Au hukus. Leomae lala ha'i-a deak, tehu neukose, ha'i-a tao namate-namopos boe. Soona besak-ka emi bubuluk, mae Au nde, Manetualain-na.

IMAMAT 17:10

Metema, hataholi Israel esa, do hataholi nusa dea esa ana leo nahele nai hataholi Israel-la tala'da, na'a paa daa soona, neukose Manetualain hukun, ma ana ta da'di Manetualain anan-nala so'on.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

YOSUA 7:4

Da'di, ka'da hataholi lifun telu leu sapu-la kota ndia, tehu ta lakataka fa, de lakadedeak.

HAKIM-HAKIM 3:14

Mane Eglon-na, paleta hataholi Israel-la, teuk sanahulu falu dalen-na.

HAKIM-HAKIM 3:8

Boema, Manetualain namanasa hataholi Israel-la, de Ana po'ilotak Manek Kusyan-Risyataim neme Mesopotamia, ana sengis. Manek ndia koasas teuk 8 dalen-na.

HAKIM-HAKIM 6:2

Hataholi Israel-la bii lanseli neu hataholi Midian-nala, nalosa leu ke'ke lai leak-kala dalek, ma lai mamana fe'ek fo nee-nee lino-linok nai letek-kala.

SEMUEL SUSULAK-KA ESAN-NA 12:15

Nasafalin-na, metema emi ta mamanene Manetualain fa, lena-lenak emi la'ban paletan-na soona, tao leo bee o, Manetualain la'ban emi ma emi manem-ma.

SEMUEL SUSULAK-KA ESAN-NA 31:1

Ndia te, hataholi Filistin-nala latee-lata'ti la'ban hataholi Israel-la, nai letelepak Gilboa. Mate hataholi Israel makadotok neme ndia, tehu nggelok loo Saul no anamanen-nala lalai.

SEMUEL SUSULAK-KA ESAN-NA 4:10

Basa boema, hataholi Filistin-nala latee-lata'ti no napalanik, de ala sengi solda'du Israel-la. Hataholi Israel-la lalai fali le'us leo sila esa-esak mamana ofun-na neu. Kakalak ndia, tete'ek-ka ba'un-na seli: de mate solda'du Israel lifun teluhulu.