IMAMAT 26:14 - Susula Malalaok Hehelu Palak Ma Hehelu Beuk

¹⁴ Manetualain nafa'da nae, “Metema emi ta mamanene Au, ma ta tao tunga Au paletang-nga fa,

IMAMAT 26:14 ပူးပေါင်းရင်းမြစ်များ

2RAJA-RAJA 22:13

“Meu leona, fo matane Manetualain soaneu au, ma soaneu laun Yehuda lala'en-na, la'eneu susulak ia, isi-liin. Manetualain namanasa ita, nanahu ita bei-ba'i kain-nala, ta lakalala'ok basa paleta, fo nanasulak nai susulak ia dalek fa.”

2TAWARIKH 34:24

‘Neukose Au huku basa Yerusalem no basa laun-nala lala'en-na nenik so so-susupak fo nanasulak nai susulak ndia dalek, de ala lees fen neu manek-ka. Susulak ndia isi-liin nae,

2TAWARIKH 7:19

Tehu metema o ma o laum-mala la'olena Au hoholo-lalaneng ma Au paletang-ngala boema sene-do'ok neu lamatua daebafak fe'ek-kala,

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

AMSAL 3:33

Manetualain supa-soo hataholi mangalauk-ka uman-na, tehu Ana ba'e-pala hataholi manatungan-nana, uman-na.

YEREMIA 11:8

ma adenus lamahele Au hehelu-hoholong ndia, te sila ta nau lamanene ma ta nau tunga fa. Nakalenak sila langa batu lahele, ma mangalauk-ka sama leo makahulun-na. Hu ndia de basa huhukuk-dodokik, fo manai hehelu-hoholok ndia dalek-ka neukose Au solin leo sila alun lain neu.”

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 26:4

Manetualain nadenu au afa'ada ea leo ia neu sila, “Au, Manetualain, paleta basa so, po ela emi mamahele neu Au, ma makalala'ok hoholo-lalanek fo Au fe basan neu sila.

YEREMIA 28:8

Nabi-nabi fo ita bei taa, ala neuk lae, natee-natatik, namate-namopok, ma he'di-laus neukose ana tuni-ndeni la'e leoina ba'uk-ka, ma dedeo fo mabe'i-balakaik-kala.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 40:2

Malanga matee-matatik ndia naloo heheli au, de nafa'da nae, “Manetualain fo o Manetualaim-ma so'u nasak soaneu tao nakalutuk nusak ia.

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

DANIAL 9:13

Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

HOSEA 7:12

Tehu, neukose Au lona hihi'ik, fo nai lelek ala la'ok tunga ndia soona, Au ho'u-alas, sama leo hataholi-a ho'u-na manupui-a. Neukose Au hukus, nanahu Au bubuluk basa sila tatao-nono'i mangalaun-na so.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

HATAHOLI 3:23

Hataholi fo ana ta taoafik neu hata fo nabi ndia nafa'da ka fa soona, Manetualain si'uheni hataholi ndia neme hataholi kamahehele kala dalek mai, fo mopo-maten.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

YOSUA 23:15

Tehu, sama leo Ana tao natetu hehelu balataan lala'en-na, leondiak boe, tao leo bee-o neukose nakalala'ok huhukun lala'en-na soaneu emi.

HAKIM-HAKIM 2:15

Metema, leu latee-lata'ti soona, Manetualain la'ban-nasa, sama leo Ana fe basa nasanene'dak neus so. Boema ala la'ola'di toto'a-tataak matuaina.

SEMUEL SUSULAK-KA ESAN-NA 12:15

Nasafalin-na, metema emi ta mamanene Manetualain fa, lena-lenak emi la'ban paletan-na soona, tao leo bee o, Manetualain la'ban emi ma emi manem-ma.