IMAMAT 26:12 - Susula Malalaok Hehelu Palak Ma Hehelu Beuk

¹² Neukose, Au sama-sama o emi; neukose Au da'di emi Manetualaim, ma emi da'di Au anang.

IMAMAT 26:12 ပူးပေါင်းရင်းမြစ်များ

KEJADIAN 17:7

Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na.

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KEJADIAN 3:8

Le'donosok ndia, ala lamanene Manetualain la'o-la'o nai osi dale, boema duas leu ke'ke nai ai-la tala'da, fo ela Manetualain boso nitas.

KEJADIAN 5:22

Basa ndia boema, nai teuk natun telu dalen-na, Hanok naso'da nai nakabua-nakaesak-ka dalek no Manetualain. Ana bongi ana fe'e-fe'en-nala, de

KEJADIAN 5:24

Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

2 SEMUEL 7:7

Lelek Au aleu-alaak sama-sama o leoina Israel-la, Au beita atane ita mauli-malangan fo Au hele basak-kala, hu beek de, ala ta lapadedeik fe Au uma neme ai kaiou Libanon-na mai fa.’

MAZMUR 50:7

“Mamanene leon anang-ngala lemin, te Au nau kokolak, Israel, Au nau tui-benga soaneu emi; Au ia Manetualain, fo emi Manetualaim-ma.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

KELUARAN 29:46

Neukose ala bubuluk lae Au nde Manetualain fo sila Manetualain-na fo mana no sila kalua leme Masir mai, fo ela Au hapu leo nai sila tala'daheon. Au nde sila Manetualain-na.”

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YEREMIA 11:4

Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 32:38

Neukose sila da'di Au anang, ma Au da'di sila Manetualain-na.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

YESKIAL 36:38

Kota-kota fo besak ia lakalulutuk-ka, neu makabuin-na te, henuk no laun-na, sama leo makahulun-na, fo nai fai-fai malole soona, Yerusalem henun no bi'ilopo nanatunu-hotuk-kala. Soona besak-ka emi bubuluk, mae Au nde Manetualain-na.”

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

BILANGAN 5:3

Muse nadenus fo ala la'o, fo ela ala boso tao langgenggeo mamana ofu-a, fo nai bee, Au leo sama-sama o Au anang-ngala.”

MATEOS 22:32

‘Au nde Abraham Manetualai na, Isak Manetualai na, ma Yakob Manetualai na.’ Manetualain ndia, hataholi mana mate kala Manetualain ta ndia fa. Hataholi maso'da kala Manetualain ndia!”

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

ULANGAN 23:14

Emi Manetualaim-ma, sama-sama no emi nai uma ofu dale, fo Ana nasulu-nahapa emi, ma Ana fe emi sengi, emi musum-mala. Hu ndia de, manea emi uma ofum-ma fo ela balisi nahele. Boso hapu hata esa, ta kandaak nai emi dalek boen, fo ela Manetualain boso la'oela emi.”

ULANGAN 23:15

“Metema, ata esa nalai la'oela tuan-na, boema ana mai leo emi mai, fo noke nasulu aon-na soona, boso madenu falik-kana.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

NINITAK 2:1

“Neu ata nusa so'dak salanik manai Efesu sala, sulakman leoiak: Ia nde hala heheluk neme Ndia fo manaho'u nduu kahitu kala nai lima kona na, ma manala'ok manai banu ei lilopila kahituk sila la tala'da.

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.