IMAMAT 25:41 - Susula Malalaok Hehelu Palak Ma Hehelu Beuk

⁴¹ Nai lelek ndia, hataholi ndia no anan-nala bole kalua leme emi umam-ma mai, fo ala fali leo teidale-bobongin neu, fo ala fali le'us leo bei-ba'i kain dae-oen neu.

IMAMAT 25:41 ပူးပေါင်းရင်းမြစ်များ

KELUARAN 21:3

Metema ana mai ndia mesak-kana, soona ana kalua boeo mesak-kana; tehu nai lelek ana da'di emi atam ndia masaoinak soona, saoinan ndia bole tunga non.

IMAMAT 25:10

Emi muse hele hehelik teu ka limahuluk ndia, fo po'a-benga fai soi-po'ik-ka neu basa laun manai nusak-ka lala'en-na. Nai teuk ndia dalen-na, basa hata-heto nananase'o basak-kala, muse fe falik-kasa leo manonuuk-ka, do leo tititi-nonosin neu. See nananase'ok da'di leo ata soona, muse fe falik-kana leo teidale-bobongin neu.

IMAMAT 25:28

Tehu metema tali-doin ta, de ana ta soi falik dae-na fa soona, hataholi manaasak-ka, ana koasa nahele dae ndia losa Teuk Fe Falik manamaik-ka. Nai teuk ndia dalen-na, muse fe falik dae ndia leo dae lamatuak neu.

IMAMAT 25:40

Muse ana leo no emi, sama leo hataholi mana'a ngga'di esa, fo naue-nale'di fe emi, losa Teuk Fe Falik-ka.

IMAMAT 25:42

Hataholi Israel-la nde been-na Manetualain atan-nala; Ndia nde nos kalua leme Masir mai, hu ndia de ta bole mase'os da'di leo ata fa.

YOHANIS 8:32

boema neukose emi malelak Manetualain fo ndo sa, soona neukose Ana soi-tefa na emi.”

ROMA 6:14

Boso fe sala-singo ka, koasa emi bai, nana emi ta maso'da nai agama Yahudi hoholo-lalanen dale so'on, te emi maso'da nai Manetualain susue-lalai na dalek so.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.