IMAMAT 25:35 - Susula Malalaok Hehelu Palak Ma Hehelu Beuk

³⁵ Metema emi leoinam esa, ana leo nai emi tala'da, boema ana tu'da leo nuu-taa hata-taak-ka dalek neu, de ana tu'da-to'a nanseli, soona emi muse tulu-falin, sama leo hataholi nusa dea, do hataholi manamai, fo ela ana hapu naso'da nahele nai emi tala'da.

IMAMAT 25:35 ပူးပေါင်းရင်းမြစ်များ

NEHEMIA 5:1

Basa faik de'ubee boema, hataholi makadotok nau touk do inak boe, ala mulai haladoi la'eneu hataholi fo sila leoina esa.

NEHEMIA 5:3

Hapu nggelok lafa'da lae, “No nakasetik, au nga'de heni au tinang-nga, osi angol-la, ma ami umam-ma soaneu asa gandum, fo ela boso mate ami no la'as-sa.”

AYUB 31:16

Beita la'i esa fo, au ta nau tulu-fali hataholi matasi'da-matasaek-ka, do po'ilotak faluina-la, laso'da nai ketu namahehenak-ka dalek fa.

MAZMUR 112:5

Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 37:26

Ana fe hataholi tona tataas esa, ma ana fe, de anan-nala da'di baba'e-papalak ba'eneun.

MAZMUR 41:1

Soaneu mauli-malanga nakameek. Dauk kokoa-kikion-na.

KELUARAN 22:21

Boso tuni-ndeni, do ta tao tunga ndoos ma matetuk soaneu hataholi manamai-a; mafandendelek te makahulun-na, emi hataholi manamai nai Masir boe.

KELUARAN 22:24

Neukose Au amanasa, fo Au taoisa emi nai musu dale, nalosa emi saom-mala da'di inafalu, ma emi anam-mala, da'di anamaak.

KELUARAN 22:25

Metema, emi tona doik neme hataholi nuu-taa hata-taak esa, nai Au leoinang dale soona, boso tao sama leo hataholi manala'ok huta-bu'uk-ka, fo noke bunak.

KELUARAN 23:9

Boso tao su'di bebe'ik-ka neu hataholi nusa dea; emi bubuluk, metema da'di hataholi nusa dean-na, emi mame'da he'din-na leo beek so, nana makahulun-na, emi da'di hataholi nusa dea nai Masir boe.”

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

IMAMAT 25:25

Metema, hataholi Israel esa tu'da leo nuu-taa hata-taak-ka dalek neu, nalosa nau do ta nau fa, muse nase'o dae-na soona, tolanoo ka'a-fa'di matadalen-nala, muse soi falik dae ndia.

MATEOS 25:35

Nanahu nai lelek Au amala'a, emi fe Au u'a, ma nai lelek Au maa ma'da, emi fe Au inu. Au hataholi mana mai, emi sipok Au nai emi umam.

MARKUS 14:7

Hataholi nuu ta-hata ta kala, mandoo fai a lai emi tala'da. Metema emi nau soona, tunga faik emi hapu tulu-falis. Tehu Au ta sama-sama o emi tataas esa fa.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

YOHANIS 12:8

Hataholi nu ta kala tunga faik lai emi tala'da, tehu Au ta.”

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

ROMA 12:13

Tulu-fali ma tao matetu hataholi Salani fe'ek paluu na, ma sipok emi tolanoom fo namahehelek esa leo emi umam no namahokok, leomae emi beita malela kana fa.

ROMA 12:18

Sanga enok tao leo bee fo maso'da mole-dame mo basa hataholi lala'ena.

ROMA 12:20

Dede'a nasafali na nae, metema o musu noo ma namala'a soona, fen na'a; ma metema ana maa ma'da soona, fen ninu. Nanahu no tatao-nono'i leondia ka de, neukose emi tao man ana mae.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

2 KORINTUS 9:1

Tunga ndo na, ta paluu au sulak seluk fe emi susulak la'eneu tutulu-fafalik fo bei nanahaituak leo Manetualain hataholi kamahehelen manai Yudea la.

GALATIA 2:10

Sila nonoken ka'da esa mesa kana neme ami mai, fo nde, fo ela ami taoafik neu hataholi nuu taa kala. Boema au amahoko nana, au ahiik tatao-nono'ik ndia.

ULANGAN 23:19

Metema, emi fe hataholi nusa dea, ana tona doik soona, emi bole moke bunak. Tehu metema, emi fe emi leoinam esa, ana tona doik, do nana'ak, do bua-lo'a fe'ek soona, emi ta bole moke bunak fa. Metema, emi tunga paleta ndia, soona emi Manetualaim-ma, fe baba'e-papalak neu basa hata lala'en fo, emi tao-no'in nai nusak fo emi mangatuu-man ndia.

IBRANI 13:2

Boso hiapenge sipok hataholi fo emi beita malela kana, leo emi umam neu. Nana no tatao leondia ka, de hapu hataholi ta name'da fa te, ana sipo hai ata nusa so'dak nai uman so.

1 YOHANIS 3:17

Metema hataholi manahapu-manadaik esa nita tolano na toto'a-tataan, tehu ana ta taoafik neu tolanon ndia fa soona, tao leo bee de hataholi ndia nafa'da nae, ndia sue-lai Manetualain?