IMAMAT 25:34 - Susula Malalaok Hehelu Palak Ma Hehelu Beuk

³⁴ Tehu, ta bole nase'o mook fo mana'uk manai leo Lewi-a kota-kota-nala boboa-kaisun fa. Mook sila-la nde been-na, hataholi Lewi-la nuun losa dodoon-na.

IMAMAT 25:34 ပူးပေါင်းရင်းမြစ်များ

2TAWARIKH 31:19

Nai imam-imam fo manaleo nai kota-kota fo nananaketuk soaneu Harun tititi-nonosin, do nai mook fo manai kota sila titia-tatain-nala, manaho'u paleta-la fes bela-ba'uk soaneu baba'e nana'a-nininuk neu basa touk manai imam-mala teidale-bobongin-nala dalek, ma neu basa hataholi fo nanasulak manai leo Lewi dalek.

YESKIAL 48:13

Hataholi Lewi-la daen ndia, nalun-na neme dulu leo muli neu, kilo sanahulu dua, metel natun lima, ma loan-na neme kii leo kona neu, kilo lima, de nakadadalak no imam-mala daen-na.

YESKIAL 48:14

Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu Manetualain de ana da'di Manetualain nuun so.

IMAMAT 25:23

Boso mase'o misa emi daem-ma, nana dae ndia emi nuum ta ndia fa, te Manetualain nuun. Emi ka'da sama leo hataholi manamai, fo Manetualain fe emi loak, soaneu mi'a-pake dae ndia buna-boan.

IMAMAT 25:33

Metema hataholi Lewi esa, nase'o uman-na nai kota esa dalek, de ana ta soi falik-kana fa soona, muse fe falik uma ndia nai Teuk Fe Falik-ka dalek. Nana hataholi Lewi-la uman manai sila kota-nala dalek nde been-na, sila nuun nahele nai leoina Israel-la dalek.