IMAMAT 25:28 - Susula Malalaok Hehelu Palak Ma Hehelu Beuk

²⁸ Tehu metema tali-doin ta, de ana ta soi falik dae-na fa soona, hataholi manaasak-ka, ana koasa nahele dae ndia losa Teuk Fe Falik manamaik-ka. Nai teuk ndia dalen-na, muse fe falik dae ndia leo dae lamatuak neu.

IMAMAT 25:28 ပူးပေါင်းရင်းမြစ်များ

YEREMIA 32:15

Manetualain Fo Manakoasa, fo Israel Manetualain-na, nafa'da nae, uma, dae, ma osi angol boe neukose nananase'ok seluk nai nusak ia.”

IMAMAT 25:10

Emi muse hele hehelik teu ka limahuluk ndia, fo po'a-benga fai soi-po'ik-ka neu basa laun manai nusak-ka lala'en-na. Nai teuk ndia dalen-na, basa hata-heto nananase'o basak-kala, muse fe falik-kasa leo manonuuk-ka, do leo tititi-nonosin neu. See nananase'ok da'di leo ata soona, muse fe falik-kana leo teidale-bobongin neu.

IMAMAT 25:13

Nai teuk ndia dalen-na, basa dae fo nananase'o basak-kala, muse fe falik-kana leo manonuuk-ka neu.

IMAMAT 25:29

Metema, hataholi esa nase'o uma esa nai kota, fo nanadama okofefeok nenik papala nanadamak, soona nanuu hak soi falik uman-na nai teuk esa dalen-na, leken neme faik fo nase'on-nana.

IMAMAT 25:30

Tehu, metema nai teuk esa dalen-na, ana ta soi falik uma ndia fa soona, mopo ndia haak soaneu soi falik-kana. Hataholi manaasa-ka no tititi-nonosin lanuu lahele uma ndia. Ta fe falik uma ndia, nai Teuk Fe Falik-ka dalek fa.

IMAMAT 25:41

Nai lelek ndia, hataholi ndia no anan-nala bole kalua leme emi umam-ma mai, fo ala fali leo teidale-bobongin neu, fo ala fali le'us leo bei-ba'i kain dae-oen neu.

IMAMAT 27:24

Nai Teuk Fe Falik-ka dalek, muse fe falik tina ndia leo tina lamatuan-na do leo tititi-nonosin neu.