IMAMAT 25:2 - Susula Malalaok Hehelu Palak Ma Hehelu Beuk

² nanduku-nalosak nakanenetek ia-la neu leoina Israel-la. Metema, emi masok leo nusak fo neukose Manetualain fen neu emi soona, emi muse fe ha'da-holomata neu Manetualain, nenik enok-ka nde ia: Nai teu ka hitun-na, emi ta bole foi-fala dae, fo sele-tani fa.

IMAMAT 25:2 ပူးပေါင်းရင်းမြစ်များ

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

MAZMUR 115:16

Manetualain nanuu ka'da lalai, tehu Ana fe daebafak-ka, leo hataholi daebafak-ka neu.

KELUARAN 23:10

“Teuk 6 dalen-na, emi bole sele-nggali emi tinam-ma, fo ketu-kolu buna-boan.

YESAYA 8:8

Neukose ala sa'e-la Yehuda, sama leo faa fo dedeman-na losa botolik, de ana lifu-na basa hata lala'ena.” Manetualain no ita! Nakapepela li'dan-na, fo nasulu-nahapa ita nusan-na.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

IMAMAT 14:34

nakanenetek la'eneu pulu po'ok manasii dapa-dapak-ka la'e uma. Pake nakanenetek sila-la, nai lelek leoina Israel-la masok leo Kanaan, nusak fo Manetualain fen neu sila.

IMAMAT 23:32

Mulai neme lelek le'do-a tenak, fo nai bulak ndia fain sio, losa lelek fo le'do tenak, nai bulak-ka fain sanahulu, emi muse taon sama leo fai Sabat-ta, fo fai hehelik soaneu hahaeaok. Nai faik ndia dalen-na, emi muse okaaom-mala.

IMAMAT 25:1

Manetualain kokolak no Musa nai Lete Sinai lain, de nadenun fo

IMAMAT 25:3

Nai teuk nee dalen-na, emi muse sele emi tinam-mala, ke'di emi osi angom-mala, ma pe'da-fua emi dae-oem buna-boan.

ULANGAN 32:49

“Muu leo Letelepak Abarim-ma, nai nusa Moab-pa, fo nai kota Yerikho-a, selik. Soona kae leo Letek Nebo-a lain muu, fo makanae leo dae Kanaan fo, ta dook-ka so'on te, Au fen leo leoina Israel-la neu.

ULANGAN 32:8

Lelek Fo Matua-mademaina, Ana baba'e dae-a, naketu leoina esan-na, nok ndia daen-na no lamatua daebafak esa da'di leo manakoasa.

ULANGAN 34:4

Boema, Manetualain nafa'da Musa nae, “Nusak ndie nde, Au helu fen neu Abraham, Isak ma Yakob, fo ala fen neu sila tititi-nonosin. Musa, Au atu'dun neu o, tehu Au ta nau o muu leo naa muu fa.”