IMAMAT 25:17 - Susula Malalaok Hehelu Palak Ma Hehelu Beuk

¹⁷ Boso tipu-dai emi nonoom hataholi Israe la, tehu ela leo been-na, emi bii-mamata'u neu Amak, fo emi Manetualaim-ma.

IMAMAT 25:17 ပူးပေါင်းရင်းမြစ်များ

KEJADIAN 20:11

Boema, Abraham nataa nae, “Au aedaenga, nai ia, ta hapu hataholi bii Manetualain fa, nalosa hataholi fo nahiik au saong-nga, neukose ana taonisa au.

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

KEJADIAN 39:9

Nai ia, au koasang-nga matua sama no koasan-na. Ta hapu hata esa boen, fo au ta ito-ato fan ta'da fe'e Ina. Hapu nai bee, au tao tatao-nono'i mangalauk ndia ma asala-asingo neu Manetualain?”

KEJADIAN 42:18

Neu faik ka telun-na boema, Yusuf nafa'das nae, “Au hataholi fo bii ma tunga neu Manetualain. Neukose au po'i emi no nonokek esa.

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

NEHEMIA 5:9

Boema au afa'da seluk-kasa ae, “Emi tatao-nono'im ndia, ta malole fa! Emi muse maso'da no mame'da bibii-namata'uk neu Manetualain. No enok ndia, ita musun fo lamatua tak sila, emi ta fes loak soaneu lakamumulu-lakamamaek ita fa.

MAZMUR 19:9

Manetualain nakaneneten ndia, nandaa tao namahoko hataholi-a dalen-na. Manetualain nakeketun ndia, neuisik, ana tao-na hataholi-a nalelak.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 22:22

Boso tao makatutu'dak hataholi nuu-taa hata-taak-ka, nanahu hataholi nuu-taa hata-taak-ka tapandoes; ma boso heheta-aa'i hataholi fo, manatulu-manafalin ta, hak-ka nai manakee-manafula matan.

YESAYA 3:14

Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

IMAMAT 19:14

Boso soo-supa hataholi pakek-ka, ma boso tao batu nakatunuk neu hataholi pokek-ka matan-na. Ela leo been-na, emi fe ha'da-holomata neu Au, nana Au nde emi Amam Manetualaim-ma.

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

IMAMAT 25:14

Da'di, metema emi mase'o dae leo emi nonoo hataholim, fo hataholi Israel, do asa dae neme emi nonoom ndia mai soona, boso mase'o-banasa no eno puta-paik.

IMAMAT 25:36

Boso makasetin fo ana tona beek neme emi mai soona, ana fe falik-kana no bunak, tehu ela leo been-na, emi bii-mamata'u neu Manetualain, de nemen-na fo hataholi ndia leo nai emi tala'da. Boeo, boso sanga nanalak neme nana'ak fo emi mase'o fen-na.

IMAMAT 25:43

Da'di, hataholi Israel fo nase'o aoinan-na neu emi-a, emi ta bole tao balakaik neu fan. Ela leo been-na, emi bii-mamata'u neu emi Manetualaim-ma.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

HATAHOLI 10:35

Hataholi mana fe ha'da-holomata neu Manetualain, ma hataholi mana tao ndo sa, Manetualain sipok hataholi ndia. Ta nafaduli hataholi ndia neme leoina bee ka mai fa.

HATAHOLI 9:31

Boema hataholi salanik manai basa Yudea, Galilea, ma Samaria lala'ena, dale nala tesa-tama. No Manetualain Dula Dale na tutulu-fafalin, ma no bii neu Lamatua ka, de hataholi salanik sila la boetai latea-lahele ma boetai lamba'u.

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

ROMA 3:18

ma ala ta fe ha'da-holomata neu Manetualain fa.”

ULANGAN 25:18

Ala ta bii-lamata'u neu Manetualain fa, de ala sapu-la emi neme dea mai, fo nai lelek emi sota-mangu, ma emi aom-ma ndole-ndaku, boema ala taolisa la'iesak hataholi makabuik-kala, nanahu ala sota-mangu lanseli, no lala'ok-ka so.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

SEMUEL SUSULAK-KA ESAN-NA 12:24

Fe ha'da-holomata neu Manetualain ma mamahele neun no lilinekak, ma no emi dale katematuam-ma. Mafandendelek tatao-nono'i matuaina fo Ana tao basan ba'eneu emi so.