IMAMAT 24:9 - Susula Malalaok Hehelu Palak Ma Hehelu Beuk

⁹ Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 24:9 ပူးပေါင်းရင်းမြစ်များ

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

IMAMAT 10:12

Musa nafa'da Harun ma anan duas, fo Eleazar ma Itamar nae, “Ho'i-ma gandum lenak-ka, neme nana'ak fo nanatunu-hotuk soaneu Manetualain. Tao loti, fo ta pake laluteik, neme ha'desopuk ndia mai, fo mi'an nai mei tunu-hotuk-ka boboan-na, nanahu, tutunu-hohotuk ndia malalao-malalafuk nanseli.

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 21:22

Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe.

IMAMAT 24:10

Hapu touk esa nai hataholi Israel-la mamana ofun-na. Aman hataholi Masir, ma inan hataholi Israel, na'de Selomit, fo Dibri neme leo Dan-na anan ndia. Nai faik esa boema, hataholi ndia nale'a no hataholi Israel esa, nai mamana ofuk-ka. Hu ndia de, hataholi Israel-la loon neu nataa Musa,

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

IMAMAT 6:11

Basa ndia soona, muse ana nggati heni bua papaken-na, fo neni afu ndia leo mamana ofu-a deak neu, leo mamanak fo nanahele hehelik soaneu afu ndia so.

IMAMAT 6:16

Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 6:9

fe Harun no anan-nala nakanenetek-kala nde ia, la'eneu tutunu-hohotuk fo tunu la'iesak-kana. Imam-ma, muse pe'da tutunu-hohotu nanatunuk ndia neu mei tunu-hotuk lain fo neme ndia, le'odae katemak esa, ma ha'i tutunu-hohotuk-ka muse pila nahele.

IMAMAT 8:3

Boema madenu basa leoina Israel-la lala'en-na, lakabubua nai Au Lalaa Temang-nga lelesun-na bafan-na.”

IMAMAT 8:31

Basa boema, Musa nafa'da Harun no anan-nala nae, “Tunu-nasu paa tutunu-hohotuk ndia, nai Manetualain Lalaa Teman-na lelesun-na bafan-na. Tunga Manetualain paletan-na, de emi muse mi'an nai mamanak ndia, no loti tutunu-hohotuk ndo ei imam manai lepeneu dale-a.

MALEAKHI 1:12

Tehu, emi makamumulu-makamamaek Au, nanahu emi mafa'da mae, Au mei tunu-hotung-nga, belin ta, de emi tunu-hotu nana'ak fo emi ta mahiik-kana, nai ndia.

MATEOS 12:4

Dauk masok leo Manetualain Uman dale neu, boema na'a loti fo nanafe basak neu Manetualai na. Te se'kona tunga ita agama na hoholo-lalanen soona, nau Dauk do hataholi nala boeo, ta bole la'a loti ndia fa. Te ka'da imam ala, nde la'a loti ndia dei.

LUKAS 6:4

Ana masok leo Manetualain Uman dale neu, de ana ho'i loti fo nanafe basak neu Manetualain boema na'a. Basa boema ana fe loti ndia neu hataholi nala boe. Te see ko na tunga ita agama na hoholo-lalanen soona, ka'da ima mala mesa kasa nde la'a loti ndia dei.”

SEMUEL SUSULAK-KA ESAN-NA 21:6

Boema imam ndia, ana fe Dauk loti tunu-hotuk ndia, nana ana pe'da ka'da loti nanatunu-hotuk soaneu Manetualain; loti ndia besak-ka ana so'u henin neme mei tunu-hotuk-ka mai, fo ana tao seluk loti beuk neu. (