IMAMAT 23:7 - Susula Malalaok Hehelu Palak Ma Hehelu Beuk

^7-8 Nai fai ka hituk sila-la dalek, emi muse tunu-hotu tutunu-hohotu nana'ak soaneu Manetualain. Nai feta ndia fai makasososan-na, ma fai ka hitun-na, emi muse makabubua, fo tao makaluku-makatele, ma ta bole tao ue-le'dis mabela fa.

IMAMAT 23:7 ပူးပေါင်းရင်းမြစ်များ

KELUARAN 12:16

Nai faik makasososan-na, ma fai ka hitun-na boe, emi muse makabubua, fo tao makaluku-makatele. Nai faik ndia dalen-na, emi ta bole tao tatao-nono'ik hata esa boen, ta'da fe'e emi paluu beek, soaneu do'de-nasu emi nana'a-nininum.

IMAMAT 23:21

Nai faik ndia, emi muse makabubua fo sene-do'ok, ma ta bole tao ue-le'dis mabela fa. Emi tititi-nonosim muse tunga paleta ndia, losa dodoon-na, ma ala leo su'di nai mamanak bee boe.

IMAMAT 23:25

Nai faik ndia, tunu-hotu tutunu hohotu nana'ak soaneu Manetualain, ma boso tao ue-le'dis mabela.

BILANGAN 29:1

Neu hataholi Yahudi-la bula ka hitun-na, fain esa soona, emi muse makabubua fo makaluku-makatele, ma ta bole maue-le'di ue-le'dis mabela fa. Nai faik ndia, muse puu pupuuk-kala.

BILANGAN 29:12

Nai hataholi Yahudi-la, bula ka hitun-na, fain sanahulu lima soona, emi muse makabubua, fo makaluku-makatele, ma ta bole maue-male'di ue-le'dis mabela fa. Nai faik hitu dalen-na, emi muse tao feta soaneu fe ha'da-holomata neu Manetualain.