IMAMAT 23:40 - Susula Malalaok Hehelu Palak Ma Hehelu Beuk

⁴⁰ Nai fai makasososak-ka, emi muse seu ai boa neulauk-kala neme emi osim dale mai, boeo ketu ai palma doon-nala, ma helu ai manaleloaka-kala ndanan-nala, fo mulai tao feta namahoko-setelek soaneu fe ha'da-holomata neu emi Manetualain.

IMAMAT 23:40 ပူးပေါင်းရင်းမြစ်များ

MAZMUR 137:2

Ami lolo'e ami kecapim-mala, neu ai gandarusa manai nusak ndia.

MAZMUR 92:12

Au ita au musung-ngala kakalan-na, hataholi manala'ban basa au-a, ma tutu'u eno mangalaun-nala, au amanene basan so.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 44:4

Neukose ala moli no malole, sama leo na'u moli deka no oe-a, sama leo ai gandarusa nai lee su'un-na.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

IMAMAT 23:39

Ketu-kolu basa, fo mulai hataholi Yahudi-la, bula ka hitun-na, fain sanahulu lima soona, emi muse tao feta faik hitu dalen-na. Fai makasososan-na, ma fai ka falun-na nde been-na, fai hehelik soaneu fai hahaeaok.

IMAMAT 23:41

Emi muse tao feta ndia nakandoo, nai faik hitu dalen-na. Emi tititi-nonosim, muse tao tunga nakanenetek ndia losa dodoon-na.

MATEOS 21:8

Hataholi makadotok manai sila la, ala bela ba'du manalu nala leu enok lain, ma nggelok soona ala tati ai ndanak, de ala nggenggelas neu enok lain.

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.