IMAMAT 23:29 - Susula Malalaok Hehelu Palak Ma Hehelu Beuk

²⁹ Ba'eneu see, fo na'a hata esa nai faik ndia soona, ana ta da'di Manetualain anan-nala so'on.

IMAMAT 23:29 ပူးပေါင်းရင်းမြစ်များ

KEJADIAN 17:14

Basa touk, nanasunat taak lala'en-na, Au anang ta ndia fa, nanahu, ana ta ho'u hehelu-balataak ndia fa.”

EZRA 8:21

Boema au po'a-benga nai Lee Ahawa su'un-na, ae basa-basam-mala muse okaaom-mala, ma makaloe-makadae aom-ma nai Manetualain matan. Ami hule-haladoi, fo ela Manetualain hela-nole ami, nai ami leleo lala'om-ma dalek, boema nasulu-nahapa ami, ami anam-mala, ma basa ami hata-hetom lala'en-na.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

IMAMAT 13:46

Nai lelek ana bei hapu he'dis ndia, ana da'di hataholi manggenggeok, de muse ana leo nai mamana oofuk-ka deak, fo dook-ka neme hataholi fe'ek-kala mai.

IMAMAT 23:30

Ma ba'eneu see, fo naue-nale'di nai faik ndia soona, Manetualain nde hukun nenik huhuku mamates-sa.

IMAMAT 23:32

Mulai neme lelek le'do-a tenak, fo nai bulak ndia fain sio, losa lelek fo le'do tenak, nai bulak-ka fain sanahulu, emi muse taon sama leo fai Sabat-ta, fo fai hehelik soaneu hahaeaok. Nai faik ndia dalen-na, emi muse okaaom-mala.

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

IMAMAT 7:21

Metema hataholi esa na'a paa tutunu-hohotuk ndia, te ana koila'e basa hata manggenggeok esa so, nau neme hataholi daebafak-ka mai, do neme bana-manu mai boe, hataholi ndia boeo, ta da'di Manetualain anan-nala so'on.

BILANGAN 5:2

“Fe hataholi Israel-la paleta nde ia nae: Basa hataholi fo ana hapu he'di lou mangalauk, do he'dis-sa nai mamaen-na, do hataholi manakoila'e mamates-sa, muse kalua henin neme hataholi Israel-la mamana ofun-na mai.

HATAHOLI 3:23

Hataholi fo ana ta taoafik neu hata fo nabi ndia nafa'da ka fa soona, Manetualain si'uheni hataholi ndia neme hataholi kamahehele kala dalek mai, fo mopo-maten.