IMAMAT 23:20 - Susula Malalaok Hehelu Palak Ma Hehelu Beuk

²⁰ Imam-ma muse tunu-hotu loti ma bi'ilopoana ka duak sila-la, da'di leo tutunu-hohotu natutu'duk ba'eneu Manetualain, fo imam-ma baba'en-na nde ndia. Tutunu-hohotuk sila-la nde been-na malalao-malalafuk.

IMAMAT 23:20 ပူးပေါင်းရင်းမြစ်များ

KELUARAN 29:24

Pe'da basa nana'ak sila-la neu Harun no anan-nala liman dale, fo madenus latu'dun neu Au da'dileo tunu-hotu natutu'duk.

IMAMAT 23:17

Uma loo esan-na, muse tunu-hotu loti dua, soaneu tunu-hotu natutu'duk ba'eneu Manetualain. Muse tao loti esa-na neme ha'desopu sopuanak kilo dua, ma pake laluteik, fo muse fen leo Manetualain neu, da'di leo tunu-hotuk neme dae-a buna-boa makasososan-na mai.

IMAMAT 23:19

Boeo, tunu-hotu bi'ihii mane esa, soaneu tutunu-hohotuk fo sala-singok hapu ampon, ma bi'ilopo maneanak dua, teuk beke esak, soaneu tutunu-hohotu mole-dame.

IMAMAT 23:21

Nai faik ndia, emi muse makabubua fo sene-do'ok, ma ta bole tao ue-le'dis mabela fa. Emi tititi-nonosim muse tunga paleta ndia, losa dodoon-na, ma ala leo su'di nai mamanak bee boe.

IMAMAT 8:29

Boema Musa ho'i-na bi'ilopo ndia tenen-na, de ana tunu-hotun da'di leo tutunu-hohotu natutu'duk neu Manetualain. Musa baba'en-na nde ndia, neme bi'ilopo mane fo nanatunu-hotuk soaneu feta ndo ei imam-ma. Basa sila-la Musa taon, sama leo Manetualain paleta neun.

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”

1 KORINTUS 9:11

Ami sele-nggali basa bini ngge samane ka nai emi dalem dale so. Soona metema ami ketu-kolu baba'e-papala hata-heto neme emi mai soona, ade ndia sosoa na nae, ami makaseti ba'u ka nanseli neme emi mai ndia do?

EFESUS 2:14

Nana Kristus nde bee na, ita mana mole-dame na. Ana tao nakabubua hataholi Yahudi la lo hataholi ta Yahudi la, da'dileona esa. Kota batu, mana ta'da kofe'e kasa, fo nde esa musu no esa, besak ia Kristus tao nakalulutu kana, ninik Ana tunu-hotu ao ina na.

ULANGAN 18:4

Sila baba'en-na boeo nde, gandum, angol, ma mina setun-na, buna-boa makasososan-na, boema bi'ilopo-la, bulu nananggute makasososan-na.