IMAMAT 23:14 - Susula Malalaok Hehelu Palak Ma Hehelu Beuk

¹⁴ Emi beita meni tunu-hotuk ndia leo Manetualain neu fa te, ta bole mi'a gandum beuk ndia faaanak boen, nau mamatak do nanadalak do nanatunuk da'di loti so boe. Basa emi tititi-nonosim-mala, muse tunga nakanenetek ndia losa dodoon-na.

IMAMAT 23:14 ပူးပေါင်းရင်းမြစ်များ

NEHEMIA 9:14

Muse ala tao Fai Sabat fo malalao-malalafuk-ka, ma O fe O hoholo-lalanem tunga Musa.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 34:26

Tunga teuk, emi muse meni emi daem-ma buna-boa makasososan-na leo emi Manetualain fo emi Manetualain-na Uman neu. Ta bole nasu bi'ilopoana do bi'ihiiana paan-na, nenik inan su'u oen-na fa.”

IMAMAT 10:11

Basa hoholo-lalanek fo Au fen neu emi, tunga Musa, emi muse manolin neu leoina Israel-la.”

IMAMAT 2:14

Metema, emi tunu-hotu fe Manetualain gandum fo emi ketu-kolu makasososak-ka soona, meni gandum beuk fo pau-man sopuanak do gandum nanasesenak so.

IMAMAT 23:31

Nakanenetek ndia, nanapakek soaneu basa emi tititi-nonosim, fo ala leo su'di nai bee boe.

IMAMAT 23:41

Emi muse tao feta ndia nakandoo, nai faik hitu dalen-na. Emi tititi-nonosim, muse tao tunga nakanenetek ndia losa dodoon-na.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

ULANGAN 16:12

Tinga basa paletan-nala, no dalek-katematuak, ma mafandendelek te, makahulun-na, emi da'di ata neme Masir so.”