IMAMAT 23:11 - Susula Malalaok Hehelu Palak Ma Hehelu Beuk

¹¹ Nai faik fo basa fai Sabat-ta, imam-ma muse tunu-hotu gandum ndia, da'di leo tutunu-hohotu natutu'duk neu Manetualain, fo ela Manetualain namahoko.

IMAMAT 23:11 ပူးပေါင်းရင်းမြစ်များ

KELUARAN 28:38

Harun muse pa'a bunga lilopilas isik ndia neu dedein-na, fo ela Au, Manetualain, nau sipo basa tutunu-hohotuk fo hataholi Israel-la leni fen neu Au, leomae nai leni tutunu-hohotuk sila-la dalek, ala tao basa salak so.

KELUARAN 29:24

Pe'da basa nana'ak sila-la neu Harun no anan-nala liman dale, fo madenus latu'dun neu Au da'dileo tunu-hotu natutu'duk.

IMAMAT 10:14

Tehu o ma o anatou-anainam-mala, bole mi'a bana tutunu-hohotu natutu'duk-ka tenen-na, ma bana tutunu-hohotu hehelik-ka sakibolon-na. Basa sila-la nde da'di imam-mala baba'en-na neme leoina Israel-la tutunu-hohotu mole-damen-na mai. Emi bole mi'an su'di nai mamanak bee boe, sa'di ta manggenggeok fa.

IMAMAT 23:12

Nai faik fo emi tunu-hotu gandum ndia, emi muse tunu-hotu soaneu tutunu-hohotu nanatunuk-ka, bi'ilopo maneanak esa teun esa boe, ma ta lu'u-la'ak fa.

IMAMAT 9:21

Ana tunu-hotu bana sila-la tenen-na, ma sakibolo konan-na, fo da'di leo tutunu-hohotu natutu'duk ba'eneu Manetualain. Basa imam-mala baba'en-na nde ndia, sama leo Musa paletan-na.

RUT SUSULAN-NA 1:22

Tutuik la'eneu tao leo beek de Naomi no manafeun Rut, fo hataholi Moab ndia, ala fali leme Moab mai a, leondiak. Ala losa Betlehem, la'e besak-ka fai keketu kokoluk.