IMAMAT 22:21 - Susula Malalaok Hehelu Palak Ma Hehelu Beuk

²¹ Metema hataholi esa tunu-hotu fe Manetualain tutunu-hohotuk mole-dame, fo ana bae nasar do ana fe tutunu-hohotuk no dale hihii-nanau mesan-na soona, bana ndia ta bole lu'u-la'ak fa, fo ela bana ndia bisa nanasipok.

IMAMAT 22:21 ပူးပေါင်းရင်းမြစ်များ

KEJADIAN 28:20

Boema Yakob soo nae, “Metema, Manetualain tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek,

MAZMUR 50:14

Tunu-hotu tutunu-hohotu makasi neu Manetualain leona, tao matetu emi hehelu-balataam neu Manetualain Fo Mademaina.

KELUARAN 35:29

Basa hataholi Israel-la no sila dale hihii mesan-na, leni sila tunu-hotun leo Manetualain neu soaneu tatao-nono'ik fo Manetualain paletan tunga Musa.

AMSAL 7:14

“Faik ia au muse bae atetu au ala-hehelung-nga, hu ndia de au fe basa tutunu-hohotuk so.

IMAMAT 22:22

Boso tunu-hotu fe Manetualain bana pokek, bana fo la'di duin-na, do bana bisuk, do bana fo mabisunggumak, do bana fo he'dis-sa nai loun-na do kosulouk. Bana leondiak-ka, boso tunu-hotun soaneu tutunu-hohotu nana'ak nai mei tunu-hotuk lain.

IMAMAT 3:1

Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

IMAMAT 3:6

Metema, nanatunu-hotuk soaneu tutunu-hohotuk mole-dame ndia, bi'ilopo esa do bi'ihiik esa soona, bana ndia bole mane, bole ina, tehu ta bole lu'u-la'ak fa.

BILANGAN 15:3

Soaneu tutunu-hohotu nanatunuk, do tutunu-hohotuk fo bae nasar, do tutunu-hohotuk no dale hihii-nanau mesan-na, do tutunu-hohotuk nai feta-feta biasa soona, emi bole tunu-hotu fe Manetualain: sapi mane, bi'ilopo mane, bi'ilopo do bi'ihiik. Tutunu-hohotuk sila boon-na, neukose nandaa no Manetualain dalen-na.

BILANGAN 15:8

Metema nanatunu-hotuk ndia, sapi mane esa, soaneu tutunu-hohotu nanatunuk, do tutunu-hohotu bae nasar, do tutunu-hohotu mole-dame soona,