IMAMAT 21:5 - Susula Malalaok Hehelu Palak Ma Hehelu Beuk

⁵ Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu.

IMAMAT 21:5 ပူးပေါင်းရင်းမြစ်များ

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YESKIAL 44:20

Basa imam-mala, ta bole nggeupolik langadoon-nala fa, do ala po'ilotak langadoon-nala lamanalu. Muse nggute keke'u langadook ndia, nandaa no nakanenetek fo, nananaketu basak-ka so.

YESKIAL 5:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma tafaina matane esa, fo nggeuheni o nggolomeim-ma, ma o langadoom-ma. Basa soona, tai langadook ndia neu tatais-sa, fo ba'en neu baba'ek telu.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

IMAMAT 21:4

Ana ta bole tao nanggenggeo aoinan-na, nenik neu natoi saoinan-na tolanoo ka'a-fa'din.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.