IMAMAT 21:10 - Susula Malalaok Hehelu Palak Ma Hehelu Beuk

¹⁰ Imam Matuaina nde been-na, nanandoo ei basak, nenik po'a mina feta neu langan lain, ma nenik paken bua papake imam matuaina so. Hu ndia de, ana ta bole po'ilotak langadoon-na nggafu-nggafu, do ana sii-sii lulu'i bua papaken-na, fo da'di leo ta'du-tana manafaluk.

IMAMAT 21:10 ပူးပေါင်းရင်းမြစ်များ

KEJADIAN 37:34

Yakob siiba'e bua-lo'an nanahu dalen-na he'di sa ma ana pake bua-lo'a manafaluk. Ana kii-makaleleu anan ndia fai-faik.

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

ESTER 6:12

Basa ndia boema, Mordekhai fali ne'un leo uma manek-ka lelesu inan-na neu. Tehu Haman fali lai-lai. Ana ta nau hataholi nita fan, nanahu ana mae nanseli, boema ana poti ketu mata-panan.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

MAZMUR 133:2

Ndia, sama leo mina kaboomini mabelik, fo po'an leo Harun langan lain neu, boema ana faa leo ba'dun-na nggalunggapen-na neu.

KELUARAN 29:7

Boema ho'i-ma mina feta fo po'an neu langan lain ma lose neu aon-na.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

IMAMAT 13:45

Hataholi esa hapu he'di lou mangalauk soona, muse ana pake bua-lo'a saik, ma ana po'ilotak langadoon-na nanggangganu. Muse ana ko'oketu mata-panan, ma ana nggasi-nggasi mesan nae, “Manggenggeok! Manggenggeok!”

IMAMAT 16:32

Imam Matuaina nanandoo ei basak-ka, ma nanahele hehelik ba'eneu Manetualain soaneu ana nggati aman-na, muse tao feta nalalao-nalalafuk ndia. Muse ana pake bua papake hehelik,

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 8:12

Basa ndia boema, Musa ndo ei Harun, nenik ana po'a mina feta faaanak leo Harun langan lain neu.

BILANGAN 35:25

Salanik-kala muse lasulu-lahapa, hataholi kanisak fo ta name'da fa te nanisa so, neme hataholi nanatao nisak-ka tolano ka'a-fa'din, fo ala nau balas hataholi kanisak ndia tatao-nono'in. Muse no falik hataholi kanisak ndia, leo kota nasulu aok fo nalai neme mamanak ndia mai. Ana muse leo nahele neme ndia, losa mate hataholi fo, nai lelek ndia ana da'di Imam Agung; basa ndia soona, besak-ka ana bole fali ne'un leo nggolo-ta'dun neu. Tehu metema, ana la'o ela kota mananasulu aok, fo mamanak ana nalai-a, boema hataholi nanatao nisak-ka, tolano ka'a-fa'din latongo loon de ala taolisan, soona tatao-nono'ikanisak ta ndia fa.

MATEOS 26:65

Boema imam matua ina ndia ana sisii-lulu'i papake-ngganggaon ma nae, “Nakamumulu-nakamamaek Manetualain! Ta paluu sakasii so'on. Emi mamanene matan basa dede'a-kokola nakamumulu-nakamamaek Manetualai na so hetu.