IMAMAT 20:7 - Susula Malalaok Hehelu Palak Ma Hehelu Beuk

⁷ Manea, fo ela emi malalao-malalafuk mahele, nanahu Au nde emi Amam Manetualaim.

IMAMAT 20:7 ပူးပေါင်းရင်းမြစ်များ

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

IMAMAT 21:15

Metema, ana la'olena nakanenetek sila-la, soona anan fo tunga ndoon-na malalao-malalafuk-ka, neukose langgenggeo. Au nde Manetualain, de Au hele hehelik basa ndia da'di leo imam matuaina so.”

IMAMAT 21:23

Hu kande, hataholi ndia lu'u la'ak, de ana ta bole deka no tema lelesu, fo manata'da ba'e Kama Malalao-malalafuk-ka, no mei tunu-hotuk-ka fa. Ana ta bole tao nanggenggeo basa hata-hata fo nanafe hehelik soaneu Au, nanahu Au nde Manetualain-na, de Au nde hele hehelik buas sila-la.”

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

1 TESALONIKA 4:3

Manetualain hihii-nanaun nde ia: Manetualain nau, fo ela emi so'da ma da'di Ndia nuu hehelin, malalaok ma madook ao ma neme basa tatao-nono'i sosoa-piaok lala'ena mai.

1 TESALONIKA 4:7

Manetualain ta nalo ita fo taso'da nai sosoa-piao ka dalek fa te, sue ka nde ita taso'da no malole, fo tao tamahoko dale na.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

YOSUA 24:19

Boema Yosua nafa'da nae, “Tehu fafa'kama, neukose emi ta mapalani makaluku-makatele mahele neu Manetualain fa, nana Ndia Manetualain malalao-malalafuk, Fo Ka'da Kisak. Ana ta nau hataholi nakasusu'dik no fan. Metema, emi la'oelan, fo makaluku-makatele neu lamatua daebafak fe'ek soona, neukose Ana ta fe do'o do ampon neu emi sala-singom fa. Nasafalin-na, neukose Ana la'ban ma Ana huku emi. Neukose, Ana tao namopo-namate emi, leomae makahulun-na, Ana malole no emi.”

YOSUA 3:5

Yosua nafa'da hataholi Israel-la nae, “Ela leo been-na, emi tao malalao-malalafu emi aoinam-ma, nana balahaa te, neukose Manetualain tao manada'di beuk nai emi tala'da heom.”