IMAMAT 20:2 - Susula Malalaok Hehelu Palak Ma Hehelu Beuk

² nafa'da dede'ak ia neu leoina Israel-la nae, “Hataholi see, fo nai emi dalek, do hataholi nusa dea, fo ana leo nahele no emi, metema ana tunu-hotu anan-na soaneu nitu Molokh-ka soona, basa laun-na lala'en-na, muse tapan nenik batu losa maten.

IMAMAT 20:2 ပူးပေါင်းရင်းမြစ်များ

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

MAZMUR 106:38

Ala do'do heni, hataholi sala tak-ka daan-na, fo sila anan-nala daan-na, soaneu ala tunu-hotu fen neu sosongo-tatangok-kala; nalosa ala tao langgenggeo nusak ndia.

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

YEREMIA 7:31

Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

YESKIAL 20:26

Au po'ilotak-kasa, fo ala tao langgenggeo aoinan-nala nenik, sila tutunu-hohotu mesan-nala, nakalenak bai, ala tao anatou ulun-nala, da'di tutunu-hohotuk. No enok ndia de Au hukus, fo ela ala bubuluk lae Au nde, Manetualain-na.

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

YESKIAL 23:37

Ala tao-no'i tatao-nono'i hohonge ma kanisak; ala hohonge basa loo sosongo-tatangok-kala, ma ala taolisa, ala bongi fe Au ni'iana-la. Ala tunu-hotu fe ni'iana sila-la, neu sila sosongo-tatangon-nala so.

YESKIAL 23:39

Nai faik fo, ala taolisa Au anang-ngala, ma ala tunu-hotu fes neu sosongo-tatangok-kala, hataholi ka'a-fa'di ka duak sila-la, ala mai leo Au Umang-nga mai, de ala tao langgenggeon!

IMAMAT 17:13

Metema, hataholi Israel esa, do hataholi nusa esa, ana leo nahele nai leoina Israel-la tala'da, ho'un-na manupui, do bana fe'ek, fo ta nalulik fa soona, muse ana do'do heni bana ndia daan-na, fo nakadofu ketun nenik dae.

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 17:8

Metema hataholi Israel esa, do hataholi nusa dea esa, ana leo nahele nai hataholi Israel-la tala'da, ana tunu-hotu tutunu-hohotu nanatunuk, do tutunu-hohotu fe'ek

IMAMAT 18:21

Boso fe o anam esa, fo tunu-hotun nai sosongo-tatangok Molokh-ka dalek, nanahu tatao-nono'ik ndia, tao nakadadaek o Manetualain na'den-na.

IMAMAT 20:1

Manetualain nadenu Musa

IMAMAT 20:27

Touk do inak see, fo ana kokolak no hataholi manamatek samanen-na soona, muse tapan nenik batu, losa maten. Hataholi ndia mate, hu kande salan-na.”

IMAMAT 24:14

“Moo hataholi ndia leo mamana ofuk-ka deak neu. Basa hataholi fo lamanenen ana soo-supa, muse ala lalaa liman-nala neu hataholi ndia langan lain, fo ala sakasii, lae hataholi ndia nasala. Soona basa hataholi-la tapan nenik batu, losa maten.

IMAMAT 24:16

ma hukunisan. Su'di see, fo ana soo-supa Manetualain soona, basa salanik-kala lala'en-na tapan nenik batu losa maten. Hoholo-lalanek ndia nanapakek soaneu hataholi Israel-la, ma hataholi nusa dea manaleo lahele nai Israel-la boe.

IMAMAT 24:23

Musa nanduku-nalosak basa dede'a-kokolak sila-la neu leoina Israel-la, boema loo hataholi fo ana soo-supa basa Manetualain ndia, leo mamana oofuk-ka deak neu, de ala tapan nenik batu losa maten. No enok ndia, leoina Israel-la tao hata fo Manetualain paleta basan neu Musa so.

HATAHOLI 7:43

Uma Lopo sosongo Molo ka nde emi meu leo bee meu soona, emi ho'i minin sama-sama no bana nanadoki-dulak fo emi sosongo nana, fo nde Refan; ndia dodoki-dudulak fo emi taon fo emi sene-do'o kana. Hu ndia de, neukose Au tu'u-tapaheni emi losa doo ka, losa nusa Babel-la meu.’

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 17:2

Metema, emi mamanene, lae nai emi kotam esa, hapu hataholi tao sala-singok neu emi Manetualaim-ma, nanahu ana la'olena hehelu-balataak-ka,

ULANGAN 18:10

Nai emi dalek, ta bole hapu hataholi esa boen, ana tunu-hotu anan-na, da'di leo tutunu-hohotu nanatunuk fa. Ma ta bole hapu hataholi esa boen, ana da'di hataholi manasiula-tongonok, manasanga ta'du-tana, manapake dede'a-kokolak fo nakahahaik hataholi kamahe'dis, do

ULANGAN 21:21

Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.