IMAMAT 2:15 - Susula Malalaok Hehelu Palak Ma Hehelu Beuk

¹⁵ Muse di'a mina setun neu gandum ndia, ma tao boomenik neu lain.

IMAMAT 2:15 ပူးပေါင်းရင်းမြစ်များ

KELUARAN 29:2

Ho'i ha'desopu neulauk fo kamen, tehu boso kamen no laluteik. Ho'i-ma ha'desopuk nanakamek ndia seli, fo tao loti nenik mina setun, ma seli boso pake mina, ma ha'desopu ela-ka, taon neu kokis fo lose mina neu.

KELUARAN 30:34

Manetualain nafa'da Musa nae, “Ho'i-ma bumbu matak de'ubee bekedede'uk, fo nde: luu-luu daa, ai lou kaboomenik, ai kaboomenik-ka daan-na ma boomeni isik.

IMAMAT 2:1

Metema, hataholi esa tunu-hotu tutunu-hohotu nana'ak soaneu Manetualain soona, tutunu-hohotuk ndia muse nalupa ha'desopuk neulauk, fo po'a mina setun ma boomenik neu lain.

IMAMAT 2:14

Metema, emi tunu-hotu fe Manetualain gandum fo emi ketu-kolu makasososak-ka soona, meni gandum beuk fo pau-man sopuanak do gandum nanasesenak so.

IMAMAT 2:16

Imam-ma muse tunu gandum ma mina ndia seli ma boomenin-na lala'en-na, fo da'di leo ta'du-tana, nae basa-basan lala'en-na, nanatunu-hotu basak soaneu Manetualain so.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

BILANGAN 15:4

Ba'eneu see, fo ana tunu-hotu bi'ilopo do bi'ihiik, soaneu tutunu-hohotu nanatunuk neu MANETUALAIN soona, muse nenin no ha'desopuk nana sese'dok mina setun kilo esa no bana sila-la esa, soaneu tutunu-hohotu nana'ak-ka, ma angol oek litel esa boe.