IMAMAT 19:9 - Susula Malalaok Hehelu Palak Ma Hehelu Beuk

⁹ Metema, emi ketu-kolu soona, boso ke'di gandum manamoli nai emi tinam-ma su'un-nala, ma ketu-kolu basa soona, boso meu makapipili gandum nanake'di elak-kala.

IMAMAT 19:9 ပူးပေါင်းရင်းမြစ်များ

IMAMAT 19:10

Metema, emi seu basa angol-la boa makasososan-na soona, boso fali seluk fo meu seu angol nanaseu ela-kala. Boeo, boso hele angol boak manakonok-kala. Ela sila-la soaneu hataholi nuu-taa hata-taak-ka, ma hataholi nusa dea-la. Au nde emi Manetualain.

IMAMAT 19:8

Ba'eneu see, fo na'a paa ndia soona, ana lu'a-lepa aon salan-na, nanahu, ana ta fe ha'da-holomata neu hata fo nanafe hehelik soaneu Au so. Au ta sipok hataholi ndia da'di Au anang so'on.

IMAMAT 23:22

Metema, emi ketu-kolu soona, boso ke'di gandum manamolik manai emi tinam-ma su'un-na, ma ketu-kolu basa soona, boso meu hehele gandum bei elak-kala. Nemen-na, fo sila soaneu hataholi nuu-taa hata-taak-ka, ma hataholi nusa dea-la. Manetualain nde been-na, emi Manetualaim-ma.

IMAMAT 23:29

Ba'eneu see, fo na'a hata esa nai faik ndia soona, ana ta da'di Manetualain anan-nala so'on.

RUT SUSULAN-NA 2:15

Basa boema, Rut neu nakapipili seluk gandum. Ana la'o boema, Boas nafa'da manaketu-kolun-nala nae, “Metema, ana ho'i gandum nanapuputu basak-kala soona, nemen-na. Boso tao makamamaek-kana, do mamanasan. Malole lenak, emi ho'i-ma gandum nanapuputuk sila-la beke faak, fo ta'ko emi matu'da henin, fo ela ana hehele nalas.”

RUT SUSULAN-NA 2:2

Faik esa boema, Rut nafa'da Naomi nae, “Ina, au oke fo, au sanga u leo tina u, fo au akapipili gandum, te fafa'kama manaketu-kolu-la latu'da heni nggelok. Au dodoo-nana, neukose hapu hataholi nau au akapipili.” Boema Naomi nataa nae, “Hei anang-ngo, muu leona!”

RUT SUSULAN-NA 2:8

Boema Boas nafa'da Rut nae, “So'ba nenene dei. O boso muu makapipili gandum nai hataholi fe'ek tinan. Makapipili meme ka'da ia, moo au ina manaketu-kolung-ngala. Leu ketu-kolu nai bee soona, taoafik neus. Fo tunga maheles tataas esa, boso dook-ka moos. Metema o maam-ma ma'dak-ka soona, ndui oe nai nggala fo au maue-male'di toung-ngala sali lahenuk sila-la, fo minu. Au paleta basas so, fo ela ala boso lakasoe loo o.”