IMAMAT 19:4 - Susula Malalaok Hehelu Palak Ma Hehelu Beuk

⁴ Boso sene-do'ok neu sosongo-tatangok. Boso tao dodoki-dudulak neme liti mai, fo sene-do'ok neun. Au nde emi Manetualain.

IMAMAT 19:4 ပူးပေါင်းရင်းမြစ်များ

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

1 TAWARIKH 16:26

Leoina fe'ek kala lamatua daebafan-nala ka'da dodoki-dudula sosongo-tatangok mesan. Tehu Manetualain nde been-na manamakadada'dik lalai ma daebafak ka.

2TAWARIKH 28:2

Ana naso'da sama leo mane-manek Israel-la, de nadenu hataholi tao Baal dodoki-dudulan neme liti mai,

MAZMUR 96:5

Leoina fe'ek-kala, lamatua daebafan-nala ka'da dodoki-dudula sosongo-tatangok mesan, tehu Manetualain nde bee-na, manamakadada'dik lalai maloaina.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

KELUARAN 32:4

Harun ho'in-na lolo'ek sila-la de natanoes boema ana di'an leo mamana dodoki-dudulak esa dalek neu, de ana taon-na sapi nanadoki-dulak esa. Leoina ndia nafa'da nae, “Hai Israel, Ita lamatuan fo manahela-nole ita kalua teme Masir mai-a, nde ia!”

KELUARAN 34:17

Boso tao lamatua fe'ek neme liti mai, fo sene-do'ok neun.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 19:25

Nai teu ka liman-na dalek, besaka emi bole mi'a ai sila-la boan-nala. Metema, emi tao tunga basa nakanenetek sila-la soona, emi ai maboam-mala, laboa ba'uk-ka seluk. Au nde emi Manetualain.

IMAMAT 19:5

Metema, emi tunu-hotu bana soaneu tutunu-hohotu mole-dame soona, tunga Au fe nakanenetek-kala, fo ela Au sipok tutunu-hohotuk ndia.

IMAMAT 26:1

Manetualain nafa'da nae, “Boso tao sosongo-tatangok do mapadedeik dodoki-dudulak, do dii batu nanadoki-dulak fo sene-do'ok neun. Au nde emi Manetualaim-ma.

HAGAI 2:18

Nai faik ia, hataholi Yahudi-la bula ka 9-na, fain 24, duahulu ha, basa Au Umang-nga laten-na! Taoafik neu hata, fo neukose mulai hatematak ia, ana da'di.

1 KORINTUS 10:14

Hu ndia tolano-tolanoo ngala lemin! Ela leo bee na, madook emi aoina ma neme sosongo-tatango ka mai.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 4:16

Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

1 YOHANIS 5:21

Ana ngala lemin! Madook ao ina mala neme sosongo-tatango kala mai.