IMAMAT 19:34 - Susula Malalaok Hehelu Palak Ma Hehelu Beuk

³⁴ Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

IMAMAT 19:34 ပူးပေါင်းရင်းမြစ်များ

MAZMUR 146:9

Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

KELUARAN 22:21

Boso tuni-ndeni, do ta tao tunga ndoos ma matetuk soaneu hataholi manamai-a; mafandendelek te makahulun-na, emi hataholi manamai nai Masir boe.

YESKIAL 47:22

de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

IMAMAT 19:18

Boso balas nape'da dalek-ka, ma boso mamanasa hataholi fe'ek, tehu sue-lai emi nonoo hataholim-ma, sama leo emi sue-lai emi aoinam-ma. Au nde Manetualain.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

BILANGAN 10:32

Metema o tunga, soona basa hata malole lala'en fo Manetualain taon ba'eneu ami, neukose ami taon ba'eneu o boe.”

MATEOS 5:43

“Emi boeo bubuluk basa, hapu nanoli ka nae leo ia: sue-lai emi tolanoo mala, boema makamuu-makadau emi musu no mala.

ULANGAN 10:19

Soona, emi boeo, muse matu'du emi susue-lalaim, neu hataholi nusa dea sila-la, nana makahulun-na, emi hataholi nusa dean-nai Masir boe.

ULANGAN 23:7

Boso makadadaek hataholi Edom-mala, nanahu emi tolanom sila-la. Boeo, boso makadadaek hataholi Masir-ra, nanahu emi leo hai neme sila nusan-na so.

ULANGAN 23:8

Neme bobongi ka telu-a, losa bobongik manamaik-kala, ala bole da'di Manetualain anan-nala so'on.”

RUT SUSULAN-NA 2:10

Lelek Rut namanene dede'ak ndia boema, ana senek neu Boas matan-na, ma nae, “Ama, au ta andaa sipo ha'da-tatao malole ba'u basa ia neme Ama mai fa. Au ia hataholi manamai, de au ta andaa hapu Ama dale malolen-na fa!”