IMAMAT 19:31 - Susula Malalaok Hehelu Palak Ma Hehelu Beuk

³¹ Boso meu sanga malelak nai hataholi malalelak-kala, fo kokolak moo hataholi manamatek samanen-nala. Metema, emi tao tataos ndia soona, emi da'di hataholi manggenggeok. Au nde emi Amam Manetualaim-ma.

IMAMAT 19:31 ပူးပေါင်းရင်းမြစ်များ

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

2RAJA-RAJA 23:24

Soaneu lakalala'ok hoholo-lalanek, fo nanasulak nai susulak fo Imam Matuaina Hilkia hapun neme Manetualain Uman dale-a, de Mane Yosia usi heni basa hataholi manamaloo samanek-kala, hataholi manasiula-tongonok-kala leme Yerusalem, ma leme Yehuda lala'en-na mai, boema ana tapa heni, basa lamatua daebafak-ka, sosongo-tatangon manai uma loo-la dalek, ma bua-lo'as fo ala paken, soaneu sene-do'ok neu lamatua daebafak-ka.

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

KELUARAN 22:18

Inak bee siula-tongono soona, muse taonisan.

YESAYA 29:4

Yerusalem sama leo ko'donaok-ka, fo ana sanga enok soaneu ana koko'do neme dae dale mai, halak fo noi-noi neme afu dale mai.

YESAYA 47:13

O sota-mangu, nanahu nanoli-nafa'da makadotok-kala. Madenu manasiula-tongonok-kala, ala mai soi-tefa-la o; sila fo, manapalisak matalolole, lalai-a lala'en-na, ma manamanolin-nduuk-kala, ma nai tunga-tunga bula beuk lafa'da memak hata fo neukose ana da'di neu o.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

IMAMAT 19:26

Boso mi'a paa daa. Boso pake mo'do-akidok, do da'di manasuangi.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 20:27

Touk do inak see, fo ana kokolak no hataholi manamatek samanen-na soona, muse tapan nenik batu, losa maten. Hataholi ndia mate, hu kande salan-na.”

HATAHOLI 8:11

Ana tao na hataholi la bafa nala bee poo nana malela suangi na doo ba'u so, de nalosa hataholi la taoafik lanseli neun.

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 28:3

Mate basa Semuel so, de Israel-lala'en-na kii-makaleleun, basa boema, latoin nai Rama, fo Semuel kotan-na. Teuk de'u bee maneuk-ka, Saul usi heni basa manasiula-tongonok-kala, ma hataholi manamaloo nalelak samanek-kala lema Israel mai.