IMAMAT 19:30 - Susula Malalaok Hehelu Palak Ma Hehelu Beuk

³⁰ Tao fai malole Sabat-ta, ma fe ha'da-holomata neu mamanak fo nanahele hehelik, soaneu sene-do'ok neu Au. Au nde Manetualain.

IMAMAT 19:30 ပူးပေါင်းရင်းမြစ်များ

2TAWARIKH 33:7

Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

KELUARAN 20:8

Mafandendelek, fo tao malalao-malalafu fai Sabat-ta.

PENGKHOTBAH 5:1

Dodoo makahuluk besak-ka kokolak, ma boso no lai-laik maheluk moo Manetualain. Manetualain nai nusa so'dak-ka ma o nai daebafak-ka, da'di kila-uku o hala-kokolam.

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 15:31

Manetualain nadenu Musa, fo ana fe nasanene'dak neu leoina Israel-la, fo daenga ala taoafik neu, faihi'da langgenggeo ma faihi'da ta langgenggeo fa, fo ela ala ta tao langgenggeo Manetualain Lalaa Teman fo nai sila mamana ofun-na tala'da heon. Metema, ala tao langgenggeo Lalaa Temak ndia soona, neukose mates.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 26:2

Tao feta fai Sabat-tala, ma agama fai-fai malole fe'en-nala, ma fe ha'da-holomata neu mamanak fo nanahele hehelik soaneu sene-do'ok neu Au. Au nde Manetualain.

MATEOS 21:13

Boema nafa'da hataholi sila la nae, “Nai Susula Malalaok dale nana sulak nae, Manetualain nafa'da nae, ‘loke Au Uma nga soona lae Uma fo mamana huhule-haladoik.’ Tehu emi taon da'di mana bonga uma la ndunun!”

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?