IMAMAT 19:3 - Susula Malalaok Hehelu Palak Ma Hehelu Beuk

³ Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 19:3 ပူးပေါင်းရင်းမြစ်များ

KEJADIAN 48:12

Basa boema Yusuf ko'o nalas leme Yakob ifan lain mai, boema ndia mesak-kana sene-do'ok neu aman matan-na.

NEHEMIA 9:14

Muse ala tao Fai Sabat fo malalao-malalafuk-ka, ma O fe O hoholo-lalanem tunga Musa.

KELUARAN 16:29

Mafandendelek, te Au fe emi faik esa soaneu hahaeaom-mala. Hu ndia de, neu fai ka 6-na, Au fe emi nana'ak dai, soaneu faik dua dalen-na. Neu fai ka hitun-na, hataholi-la esa-esak, muse nahele nai uma, fo ta bole kalua fa.”

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

KELUARAN 20:8

Mafandendelek, fo tao malalao-malalafu fai Sabat-ta.

KELUARAN 21:15

See fepa-li'u aman do inan soona, muse hukunisan.

KELUARAN 21:17

See supa-soo aman do inan soona, muse hukunisan.

AMSAL 1:8

Anang-ngonei, taoafik neu ina-amam hala-kokolan,

AMSAL 23:22

Tunga o amam paletan-na; nana metema, ndia ta soona, o boeo ta. Metema, o inam namalasi soona, matu'du mae o sue-lain.

AMSAL 30:11

Hapu hataholi nggelok soo-supa aman, ma ala ta fe ha'da-holomata neu inan fa.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 19:25

Nai teu ka liman-na dalek, besaka emi bole mi'a ai sila-la boan-nala. Metema, emi tao tunga basa nakanenetek sila-la soona, emi ai maboam-mala, laboa ba'uk-ka seluk. Au nde emi Manetualain.

IMAMAT 19:30

Tao fai malole Sabat-ta, ma fe ha'da-holomata neu mamanak fo nanahele hehelik, soaneu sene-do'ok neu Au. Au nde Manetualain.

IMAMAT 19:31

Boso meu sanga malelak nai hataholi malalelak-kala, fo kokolak moo hataholi manamatek samanen-nala. Metema, emi tao tataos ndia soona, emi da'di hataholi manggenggeok. Au nde emi Amam Manetualaim-ma.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

IMAMAT 26:2

Tao feta fai Sabat-tala, ma agama fai-fai malole fe'en-nala, ma fe ha'da-holomata neu mamanak fo nanahele hehelik soaneu sene-do'ok neu Au. Au nde Manetualain.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

ULANGAN 27:16

‘Nanasoo-supak ba'eneu hataholi fo, ana ta fe ha'da-holomata neu ina-aman fa, boema ana po'ilotak-kasa laleu-lalaak.’ Hataholi Israel-la, lataa lae, ‘Tete'ek-ka!’ ‘Amin!’

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

IBRANI 12:9

Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.