IMAMAT 19:28 - Susula Malalaok Hehelu Palak Ma Hehelu Beuk

²⁸ Boso duik mahina emi loum-ma, fo tao ta'du-tana, do tao mahina aopaam-ma, da'di leo ta'du-tana manafalu mamates. Au nde Manetualain.

IMAMAT 19:28 ပူးပေါင်းရင်းမြစ်များ

1RAJA-RAJA 18:28

Nabi sila-la hule-haladoi lapane'e seluk bai. Ma sama leo biasa ala taok-ka, de ala duduik ao nala lenik tafaina ma tee losa daa nala faa.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

IMAMAT 19:27

Boso nggute langadook manai emi langam-ma boboan-na, ma boso nggeu emi nggolimeim-ma.

IMAMAT 19:29

Boso makadadaek emi anainam-mala na'den-na, nenik fes ala da'di ina manasosoa-piaok nai uma sosongo-tatangok. No tatao-nono'i leondiak-ka, emi tao manggenggeo emi nusam-ma, ma tatao-nono'i malela ha'da taak-ka, neukose nalole besa-besa nai ndia.

IMAMAT 21:1

Manetualain nadenu Musa nanduku-nalosak paleta ia-la neu imam-imam, fo Harun tititi-nonosin-nala nae, “Imam esa, ta bole tao nanggenggeo aoinan-na, hu kande ana tunga tolanoo ka'a-fa'din feta natoi-natonon,

IMAMAT 21:11

Ndia nanafe basak leo Au mai fo ana da'di Au nuung so, da'di ana ta bole tao nanggenggeo aoinan-na fa. Boeo, ana ta bole tao nanggenggeo Au Lalaa Temang-nga, nenik ana kalua neme ndia mai, fo neu leo uma fo mamates-sa dalek, leomae mamates ndia, ndia aman do ndia inan boe.

IMAMAT 21:5

Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu.

MARKUS 5:5

Lele'do le'odaen naleu-nalaak nai late sala, ma nai pupuku kala, boema ana nggasi ma ana tao nahina ao na ninik batu.

YOHANIS 20:25

Basa boema, Yesus ana manatungan sila la lafa'da Tomas lae, “Ami mita Lamatua ka so!” Tehu Tomas nae, “Metema au beita ita paku mamana ka nai lima na, fo au beita tao au lima ku'u nga neu bisu piik sila la, ma beita tao au lima nga neu kaisu na fa soona, au ta nau amahele makandondook fa.”

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

NINITAK 14:11

Ha'imasuk maneme ha'i fo manatao doidoso hataholi sila la, neukose namasu poka-poka nakandondoo henin losa dodoo na. Lele'do-le'odaen ha'imasuk ndia ta hahae tao doidoso fas, fo nde sila fo manasene-do'ok neu bana ndia no lupa ao nanadoki dula na, ma basa hataholi fo ana hapu bana ndia ta'du-tanan.”

NINITAK 14:9

Ata nusa so'da katelu tunga ata nusa so'da kaduak sila la, boema nalo bou-bou napane'e nae, “Hataholi fo manasene-do'ok neu bana ndia no bana ndia lupa ao nanadokidulan ma ana hapu bana ndia ta'du-tanan nai dedei na do lima na,

NINITAK 15:2

Basa ndia boema, au ita hata esa meten soona, sama leo tasi titinok nanasese'dok ha'i. Boeo au ita hataholi fo manasengi bana ma lupa ao nanadoki dula nanasene-do'o ka, ma manasengi hataholi fo ala ta'du-tana na'de nala ninik bana ndia na'de na. Hataholi manasengik sila la lapadeik lai tasi titino ka su'u na, ma ala ho'u Manetualain fes kacapi la.

NINITAK 16:2

Boema ata nusa so'da makasososa ka neu de ana po'a nggalaa na isi na leo daebafa ka neu. Boema bisungguma matuaina la ala da'di neu basa hataholi manahapu bana ndia ta'du-tanan, ma neu hataholi fo ana sene-do'ok neu bana ndia lupa ao nanadoki dula na.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.