IMAMAT 19:26 - Susula Malalaok Hehelu Palak Ma Hehelu Beuk

²⁶ Boso mi'a paa daa. Boso pake mo'do-akidok, do da'di manasuangi.

IMAMAT 19:26 ပူးပေါင်းရင်းမြစ်များ

KEJADIAN 44:5

Taole'e de emi mamanako meni au Ama Manek nggalaa nininu lilofulan-na? Nggalaas ndia ana paken soaneu ninu ma da'di neu bua siula-tongonok. Emi tao tatao-nono'i mangalauk matuaina so!’ ”

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

KELUARAN 7:11

Hu ndia de, manek-ka boeo naloo ndia hataholi malelainan-nala, ma malela siula-tongonok-kala, de no sila malela siula-tongonoon-na, ala bisa tao leondiak boe.

KELUARAN 8:7

Tehu, basa malelak siula-tongonok-kala, pake sila malela-nala boe, de lo'donggelek-kala poka mai, nai nusak ndia.

YEREMIA 10:2

Manetualain nafa'da nae, “Boso na'da leoina fe'ek-kala ha'da tataon, ma mita ta'du tana nai lalai-a, fo leoina sila bii-mamata'u soona boso nggenge.

DANIAL 2:10

Boema hataholi malelaina sila-la lataa lae, “Nai basa daebafak-ka lala'en-na, ta hapu hataholi esa boen, bisa nafa'da-nala hata fo ami manem-ma nahiik ndia. Ma beita hapu manek esa boen, leomae matuaina ma mandela-masa'an ba'un-na seli boe, noke dede'a leondiak-ka neme hataholi mananafa'da nalelak manda'dik manamaik-ka, dukun-nala ma hataholi malelaina manai uma manen-na fa.

IMAMAT 19:25

Nai teu ka liman-na dalek, besaka emi bole mi'a ai sila-la boan-nala. Metema, emi tao tunga basa nakanenetek sila-la soona, emi ai maboam-mala, laboa ba'uk-ka seluk. Au nde emi Manetualain.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

IMAMAT 7:26

Hataholi Israel fo ana leo su'di nai bee boe, ta bole na'a manupui-a daan-na, do bana fe'e-fe'ek-kala daan-na fa.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

ULANGAN 12:23

Tehu paa bee-la bei madaak soona, emi ta bole mi'a fan, nanahu bana ndia samanen-na, nai daan dale, de emi ta bole mi'a paan-na, sama-sama no samanen-na fa.

ULANGAN 15:23

Ta bole mi'a daan-na fa, tehu emi muse po'ahenin leo dae lain neu, sama leo oe-a.”

SEMUEL SUSULAK-KA ESAN-NA 14:32

nalosa latonak bua-lo'as fo ala kalo lenis leme musu dale mai; ala ho'u-la bi'ilopo ma sapi boema ala do'dos leme mamanak ndia boe, tutika la'a matak paa ndia.

SEMUEL SUSULAK-KA ESAN-NA 14:33

Boema lafa'da Saul lae, “Ama Manek, laun-na nasala-nasingo basa neu Manetualain so, nanahu la'a paa matak.” Saul nggasi nae, “Emi hataholi manamalelesik! Loli batu matuaina esa leo ia mai.”

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”