IMAMAT 19:18 - Susula Malalaok Hehelu Palak Ma Hehelu Beuk

¹⁸ Boso balas nape'da dalek-ka, ma boso mamanasa hataholi fe'ek, tehu sue-lai emi nonoo hataholim-ma, sama leo emi sue-lai emi aoinam-ma. Au nde Manetualain.

IMAMAT 19:18 ပူးပေါင်းရင်းမြစ်များ

KEJADIAN 4:23

Lamek nafa'da saoinan duas nae, “Ada ma Zila, mamanene dei! Au taoisa touana muli-soluk esa, nanahu ana tao nakahina au so.

2 SEMUEL 13:22

Absalom nape'da dalek nanseli neu Amnon, de ana ta nau kokolak non so'on, nanahu ana tao tatao-nono'i mangalauk no fa'din Tamar.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

MAZMUR 103:9

Ana ta nasapala nakandondoo henin fa, ma ta namanasa losa dodoon-na fa.

KELUARAN 20:16

Boso sakasii pepekok la'eneu hataholi fe'ek.

AMSAL 20:22

Boso balas mangalauk no mangalauk; mamahele neu Manetualain, te neukose Ndia nde tulu-fali.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

MATEOS 19:16

Faik esa boema touk esa mai leo Yesus mai nafa'dan nae, “Ama Mesen, tatao-nono'i malole bee ka nde au muse tao-no'in, fo ela au hapu sipo so'da matetu ka ma mana ketu basa ta ka?”

MATEOS 19:19

fe ha'da-holomata neu o inam no amam; ma sue-lai o nonoo hataholi ma sama na leo o sue-lai o ao ina ma mesa kana.”

YOHANIS 13:34

Au fe emi paleta beuk esa nae leo ia: Masue-malai ao leona. Sama na leo Au sue-lai emi basa-basa mala. Leondiak boe, emi muse masue-malai ao.

HATAHOLI 16:28

Tehu Paulus nalo napane'e nae, “Boso do'doaom te ami basa-basa mala bei nde ia!”

ROMA 12:17

Metema hataholi tao mangalauk neu emi soona, boso bala sana ninik mangalauk. Tao malole tunga hataholi a mata memete na.

ROMA 12:19

Tolano-tolanoo ngala lemin! Boso balas nape'da dalek no nape'da dalek, neme na fo Manetualain nde huku nana. Nana nai Susula Malalaok dale nanasulak nae, “Au nde manabala sa. Neukose Au nde huku nana.” Lamatua ka nae leondia.

ROMA 13:4

Nana manapaleta nde bee na Manetualain atan, fo naue-nale'di soaneu emi malole ma. Tehu metema emi tatao-nono'im mangalau ka soona, memak emi muse bii manapaleta, nana manapaleta nanuu koasa soaneu ana huku hataholi. Manapaleta nde bee na Manetualain atan, fo naketu hataholi manatao tatao-nono'i mangalau kala tunga Manetualain nakeketu na.

ROMA 13:9

Nana agama Yahudi, hoholo-lalanen nafa'da ae, boso hohonge, boso manisa, boso mamanako, boso dale he'di hataholi hata-heton; basa sila la lakabubua lo hoholo-lalanek fe'e kala, fo huu na ka'da hoholo-lalanek esa mesa kana, fo nde, “Sue-lai o nonoo hataholi ma sama leo o sue-lai o aoina ma.”

GALATIA 5:14

Agama hoholo-lalanen lala'ena, isi na nai paleta esa nde ia dalek nae, “Ela leo bee na, o sue-lai o nonoo hataholi ma, sama leo o sue-lai o ao ina ma.”

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

EFESUS 4:31

Tao mamopo basa dale he'dik lala'ena, nape'da dale ka ma nasa-melu ka. Hahae nasapala ka, ma dodoki-aali ka. Boso boe mape'da dudu'a-aafi nakamuu-nakadau ka do dudu'a-aafi fe'ek matak leondia ka bai.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

KOLOSE 3:8

Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.

IBRANI 10:30

Ita bubuluk, see Ndia fo nafa'da nae, “Neukose Au balas! Neukose Au huku!” ma mana mafa'dak nae, “Neukose Manetualain naketu-nala'di hataholi kamahehele nala.”

YAKOBIS 2:8

Emi tao-no'i tatao-nono'im malole, metema emi tao tunga hoholo-lalanek fo nanasulak nai Susula Malalaok dale nae leo ia, “Sue-lai o nonoo hataholi ma, sama na leo o sue-lai ao ina ma.”

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

1 YOHANIS 4:21

Hu ndia de, Kristus fe ita paleta nae leo ia, Ba'eneu see fo ana sue-lai Manetualain soona, ana muse sue-lai tolano nala boe.