IMAMAT 19:17 - Susula Malalaok Hehelu Palak Ma Hehelu Beuk

¹⁷ Boso mape'da dalek neu su'di see boen. Mole-dame moo su'di see, fo emi male'a-mapilik moon, fo daenga emi boso masala-masingo, hu kande hataholi fe'ek.

IMAMAT 19:17 ပူးပေါင်းရင်းမြစ်များ

KEJADIAN 27:41

Boema, Esau namanasa Yakob, nanahu aman fe basa ndia baba'e-papalan neu fa'din ndia so. Ana dodoo nae, “Ta dook-ka seluk fa te, mate ama so, de basa fai fafaluk-ka soona, au taoisa Yakob!”

2 SEMUEL 13:22

Absalom nape'da dalek nanseli neu Amnon, de ana ta nau kokolak non so'on, nanahu ana tao tatao-nono'i mangalauk no fa'din Tamar.

NEHEMIA 13:17

Au fe nasanene'dak neu basa mauli-malanga Yehuda-la ae, “Ade emi ta mame'da mae emi tao basa tatao-nono'i mangalauk, nanahu emi tao fai Sabat-ta so do?

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

AMSAL 9:8

Boso makadadaek hataholi fo ana ta nau nanoli-nafa'da fan, te neukose ana nakamuu-nakadau o. Tehu metema o matu'du hataholi manatee-tenok-ka salan-na soona, neukose ana nalelak ha'dak neu o.

LUKAS 17:3

Hu ndia de manea matalolole leona! Metema o tolanoo ma nasala-nasingo soona, kena-ka'in leona. Fo metema ana tukatei-saledale soona, fe do'o do ampon neun.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

EFESUS 5:11

Boso tao-no'i tatao-nono'i sosoa-ndandaa tak fo hataholi mana maso'da nai makahatuk dale kala, tao-no'i ka. Dede'a nasafali na, ela leo bee na, emi tu'u-tapa heni basa dede'a matak leo sila kala. (

1 TIMOTIUS 5:20

Hataholi mana tao sala-singo ka, muse kena-ka'in nai basa salani kala matan, fo ela salani fe'e kala, ala bii.

1 TIMOTIUS 5:22

Boso no lai-laik, o lalaa o lima ma neu hataholi esa langan lain, fo so'un da'di Lamatua ka malalau-maoonon. Metema hataholi fe'ek tao sala-singok soona, boso muu sese'dok nai sala-singok ndia dalek. Manea o ao ina ma fo ela malalaok nahele.

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

TITUS 1:13

Nabi ndia hala-kokolan sila la, memak tete'e ka leondiak. Hu ndia de, o muse kena ka'is no balakaik; fo ela ala ho'u lahele nanoli ndo sa,

TITUS 2:15

Manolis basa dede'ak sila la, ma manoli-mafa'das, ma kena-ka'i basa o hataholi mana mamanene kala, no malole. Boso po'ilotak hataholi esa boen, nakadadaek o.

1 YOHANIS 2:11

Tehu hataholi fo nakamuu-nakadau tolano na, hataholi ndia so'da na, bei nai makahatuk dale, de ana ta bubuluk, ana la'ok leo bee neu fa, nana makahatu ka de ta nita lo dae so'on.

1 YOHANIS 2:9

Hataholi fo nafa'da nae, ndia nai mangale'do ka dalek, tehu metema hataholi ndia bei nakamuu-nakadau tolano na soona, hataholi ndia bei nai makahatu ka dalek losa besak ia.