IMAMAT 19:15 - Susula Malalaok Hehelu Palak Ma Hehelu Beuk

¹⁵ Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

IMAMAT 19:15 ပူးပေါင်းရင်းမြစ်များ

AYUB 13:8

Ade, bole emi mook Manetualain, fo masala'en, da'di leo hataholi masala'e dede'ak do?

AYUB 32:21

Neukose, au ta asala'e esa boen, nai dede'ak ia dalek fa, ma au ta koa hataholi esa boen.

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

MAZMUR 82:2

“Boso boe maketu-mala'di no ta tunga ndoon-na fa, ma boso mook hataholi manatao tatao-nono'i mangalauk-ka.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

AMSAL 18:5

Tok hataholi malelesik-ka ma tuni-ndeni hataholi sala taak-ka soona, ta malole fa.

AMSAL 24:23

Hataholi manatee-tenok-kala, lafa'da hai lae leo ia: Manakee-manafula, ta bole namabela seselik fa.

AMSAL 31:9

Matee-mata'ti soaneus, ma da'di manakee-manafula ndoos ma matetuk. Masulu-mahapa hataholi nuu-taa hata-taak-ka, ma hataholi nanatuni-ndenik-ka, hak-ka.”

IMAMAT 19:35

Boso tipu-dai hataholi fe'ek nenik uuku-dodouk, tatais do susu'di pepekok.

YOHANIS 7:24

Boso maketu-mala'di hataholi tunga hata fo emi mitan, te maketu-mala'di tunga ka'da matetu na.”

HATAHOLI 23:3

Boema Paulus nafa'da imam matuaina ndia nae, “Tao leo bee o Manetualain fapa hataholi mana dea-dalek fo ta'ko nae, ndia hataholi malalao-malalafuk! O mangatuuk nai mamanak ndia fo o maketu-mala'di au tunga Musa hoholo-lalanen, te se'kona o nde la'olena hoholo-lalanek sila la, ninik o madenu hataholi fapa au!”

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

ULANGAN 27:19

‘Nanasoo-supak ba'eneu hataholi fo, ana natona-na hataholi nusa dea, faluina anamaak hak-ka.’ Hataholi Israel-la lataa lae, ‘Tete'ek-ka!’ ‘Amin!’