IMAMAT 18:3 - Susula Malalaok Hehelu Palak Ma Hehelu Beuk

³ Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

IMAMAT 18:3 ပူးပေါင်းရင်းမြစ်များ

2RAJA-RAJA 17:8

ma ala tunga ha'da tataok neme leoina, fo Manetualain usi henis nai lelek leoina Israel-la, ala tutulumatak, fo latee-lata'ti loo leoina sila-la. Leoina Israel-la tunga ha'dak, fo mane-manek Israel-la laketuk-ka,

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

YESKIAL 23:8

Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

IMAMAT 20:23

Boso nanadulak neme leoina manai naa-la ha'dan-nala. Ala tao-la Au malua nenik sila tatao-nono'i mangalaun sila lala'en-na. Hu ndia de, Au usi henis, fo ela emi hapu masok leo nusak ndia meu.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ULANGAN 12:4

Nai lelek, emi sene-do'ok neu emi Manetualaim-ma soona, boso nana dulak neme hataholi sila-la sene-do'on neu sila lamatua daebafak-na.

ULANGAN 29:17

Emi mita basa hataholi sila-la, dodoki-dudula sosongo-tatangon nanamaluak fo, nanadoki-dulak neme ai, batu, lilofulak ma lilopilas-sa mai so.

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.