IMAMAT 18:29 - Susula Malalaok Hehelu Palak Ma Hehelu Beuk

²⁹ Emi bubuluk, mae ba'eneu see fo ana tao tatao-nono'ik nanamaluak sila-la soona, ana ta da'di Manetualain anan-nala so'on.

IMAMAT 18:29 ပူးပေါင်းရင်းမြစ်များ

KELUARAN 12:15

Manetualain, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

IMAMAT 17:10

Metema, hataholi Israel esa, do hataholi nusa dea esa ana leo nahele nai hataholi Israel-la tala'da, na'a paa daa soona, neukose Manetualain hukun, ma ana ta da'di Manetualain anan-nala so'on.

IMAMAT 18:28

fo ela Ana boso huku emi, ma Ana usi heni emi neme dae ndia mai, sama leo hataholi fo ta lalelak Manetualain-na, ala leo lai naa, te emi beita mai fa.

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

IMAMAT 7:21

Metema hataholi esa na'a paa tutunu-hohotuk ndia, te ana koila'e basa hata manggenggeok esa so, nau neme hataholi daebafak-ka mai, do neme bana-manu mai boe, hataholi ndia boeo, ta da'di Manetualain anan-nala so'on.

MALEAKHI 2:12

Sa'di leo been-na, hataholi manatao leondiak-ka, Manetualain, Ana usi henis leme Israel anan-nala la dalek mai. Sa'di leo been-na, ala ta tunga seluk loo ita leoinan-na, fo ala fe tutunu-hohotuk neu Manetualain Fo Manakoasa so'on.