IMAMAT 18:24 - Susula Malalaok Hehelu Palak Ma Hehelu Beuk

²⁴ Boso tao manggenggeo o aoinam-ma nenik tatao-nono'ik sila-la, nana no enok ndia, leoina manaleo makahuluk neme emi nai Kanaan-na, ala tao langgenggeo aoinan-nala so. Hu ndia de, Manetualain usi henis, fo ela emi hapu leo nusak ndia.

IMAMAT 18:24 ပူးပေါင်းရင်းမြစ်များ

KEJADIAN 15:16

Basa tititi-nonosik 4 soona, besak-ka o upu-anam fali ma'is leo ia mai, nanahu Au ta usi heni hataholi Amori-la fa, nana tatao-nono'i mangalaun-nala beita dai, soaneu ala hapu huhukuk fa.”

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2TAWARIKH 33:2

Ana nasala-nasingo neu Manetualain, nanahu ana tunga ha'da-tatao mangalauk neme leoina fo Manetualain usihenis leme Kanaan mai, nai lelek Israel masok nusak ndia.

EZRA 9:1

Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YESKIAL 36:17

“Hai hataholi daebafak fo, manasapu-manalalok-konei, lelek hataholi Israel-la, ala leo leme sila nusan-na dalek-ka, ala tao langgenggeon nenik sila tatao-nono'in-nala so. Sila ha'da-tataon ndia manggenggeok sama leo inak fo ana hapu he'di bulak.

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

BILANGAN 35:34

Boso tao manggenggeo, dae fo emi leok-ka, nanahu Au nde Manetualain-na, ma Au leo nai leoina Israel-la, tala'da heon.”

1 KORINTUS 3:17

Metema hapu hataholi tao nalutu Manetualain uma na soona, neukose Manetualain boeo tao nalutu hataholi ndia. Nana Manetualain uma na nde bee na, soaneu ka'da Manetualain mesa kana, fo emi nde uma ndia.

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 18:12

Emi Manetualaim-ma, ta hii hataholi manatao tatao-nono'i mangalauk leondiak-ka fa, hu ndia de, Ana usiheni nggilleo-bobongik sila-la, leme emi matam-ma mai

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.

HAKIM-HAKIM 20:10

Touk Israel baba'ek 10 soona, baba'ek esa, muse sadia nana'a-nininuk soaneu hataholi fo leu latee-lata'ti. Fe'ek-kala, leu sapu-la Gibea fo hukus, nanahu ala tao basa tatao-nono'i mangalauk, nai hataholi Israel-la dalek so.”

HAKIM-HAKIM 20:5

Basa boema, hataholi Gibea-la mai sanga au, nai fai le'odaek. Ala sapu-la uma fo au sungu nai dalek-ka, nana ala dudu'a taolisa au, tehu basa boema, le'odaek ndia, ala tao tatao-nono'i mangalauk loo au sao makahatung ndia, losa maten.

HAKIM-HAKIM 20:6

Au ko'o-a popolan-na, boema au kee-keen, de basa boema, au haituan neu leo ka sanahuluduak manai ita leoinan-na dalek, esan-na biak esa. Au tao dede'ak ndia, nanahu hataholi Gilead sila-la, ala tao basa tatao-nono'i mangalauk, ma neni mamaek nai hataholi Israel-la dalek so.