IMAMAT 18:20 - Susula Malalaok Hehelu Palak Ma Hehelu Beuk

²⁰ Boso sungu moo hataholi fe'ek saon; nana tatao-nono'ik ndia, ana tao-na o da'di manggenggeo.

IMAMAT 18:20 ပူးပေါင်းရင်းမြစ်များ

2 SEMUEL 11:27

Basa fai susan-na boema, Dauk nadenu hataholi neu nala inak ndia, leo uma manek-ka mai, de ana taon da'di ndia saoinan. Basa bulak de'ubee boema, ana bongi-na ni'iana touanak esa. Tehu Manetualain ta hii Dauk tatao-nono'in ndia fa.

KELUARAN 20:14

Boso hohonge.

AMSAL 6:25

O dalem-ma boso tu'da neu sila mata maketuan-na, boso makadita neu sila matan fo manafufu'di-oo'dok-ka.

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

ROMA 2:22

Tolanoo kala manoli hataholi la fo boso hohonge, te se'kona tolano kala hohonge! Tolanoo kala ta hii sosongo-tatango ka fa, te se'kona tolanoo kala ho'i uma sosongo-tatango ka bua-lo'a nala.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

ULANGAN 22:22

Metema, nai kota esa dalek, ala ho'u-la touk esa, ana sungu no hataholi fe'ek saon-na soona, muse tapanisa la'iesak duas. No enok ndia, emi tao mamopo tatao-nono'i mangalauk ndia.

ULANGAN 22:25

Tehu, dede'an-na fe'ek seluk bai, metema touk esa, ana tao tatao-nono'i mangalauk no anafe'oanak esa nai tina dale, te se'kona, hataholi fe'ek adu-natane basa anafe'oanak ndia so. Nai dede'ak ia dalek, ka'da touk-ka mesak-kana, nde muse nanahukunisak.

ULANGAN 5:18

Boso hohonge.

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.