IMAMAT 17:6 - Susula Malalaok Hehelu Palak Ma Hehelu Beuk

⁶ Imam-ma, muse pisi bana sila daan-na neu mei tunu-hotuk-ka boboan-nala, nai Manetualain Lalaa Teman-na lelesun-na, bafan-na, boema ana tunu minan-na, fo ela boon-na, nandaa no Manetualain dalen-na.

IMAMAT 17:6 ပူးပေါင်းရင်းမြစ်များ

KELUARAN 29:13

Basa ndia soona, ho'i-ma mina teidalen-na, aten-na, boade'en duas loo minan-na, fo tao basa-basas neu mei tunu-hotuk lain fo tunus soaneu tutunu-hohotuk ba'eneu Au.

KELUARAN 29:18

Tunu-hotu bi'ilopo mane ndia paan-na lala'en-na neu mei tunu-hotuk lain, soaneu da'di tutunu-hohotu nanatunuk. Tutunu-hohotuk ndia boon-na nandaa no Au daleng-nga.

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

IMAMAT 17:5

Paleta ndia sosoan-na nde, fo ela leoina Israel-la leni la'iesak bana tunu-hotuk, fo biasa ala do'do bana sila-la nai tina-la dalek-ka, muse lenis leo Manetualain Lalaa Teman-na neu. Sila muse leni tunu-hotuk sila-la leo imam-ma, nai Manetualain Lalaa Teman-na lelesun-na, bafan-na neu, fo ana do'don nai ndia, fo soaneu tutunu-hohotu mole-dame.

IMAMAT 3:11

Imam malalau-maoonok-ka, muse tunu la'iesak paa sila-la nai mei tunu-hotuk lain, soaneu tutunu-hohotuk nana'ak neu Manetualain.

IMAMAT 3:13

Nai ndia, muse ana lalaa liman-na neu bi'ihiik ndia langan lain, boema ana do'don nai Lalaa Temak-ka matan-na. Imam-ma muse pisi bana ndia daan-na neu mei tunu-hotuk-ka boboan haas.

IMAMAT 3:16

Imam malalau-maoonok-ka, muse tunu basa paa sila-la nai mei tunu-hotuk lain. Tutunu-hohotu nana'ak ndia boon-na, nandaa no Manetualain dalen-na. Bana ndia minan-na lala'en-na, soaneu Manetualain.

IMAMAT 3:2

Hataholi manatunu-hotuk-ka, muse lalaa liman-na neu bana ndia langan lain, boema ana ta'tin nai Manetualain Lalaa Teman-na, lelesun-na matan-na. Imam-imam fo Harun tititi-nonosin-nala, muse pisi bana ndia daan-na neu mei tunu-hotuk-ka boboan haas.

IMAMAT 3:5

Muse tunu basa sila-la, sama-sama no tutunu-hohotuk fe'ek-kala, nai mei tunu-hotuk lain. Tutunu-hohotuk nana'ak ndia boon-na, nandaa no Manetualain dalen-na.

IMAMAT 3:8

Nai ndia, ana muse lalaa liman-na neu bi'ilopo ndia langan lain, boema ana do'don nai Lalaa Temak-ka matan-na. Boema, imam-ma muse pisi bi'ilopo ndia daan-na, neu mei tunu-hotuk-ka boboan haas.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

BILANGAN 18:17

Tehu ta bole soi sapi, bi'ilopo ma bi'ihiik ana makasososan-nala fa. Bana-manu sila-la, Au nuung so, de muse tunu-hotu henis. Pisi daan-na neu mei tunu-hotuk-ka, ma tunu minan-na, fo da'di leo tutunu-hohotuk. Boon-na nandaa no Au daleng-nga.