IMAMAT 17:5 - Susula Malalaok Hehelu Palak Ma Hehelu Beuk

⁵ Paleta ndia sosoan-na nde, fo ela leoina Israel-la leni la'iesak bana tunu-hotuk, fo biasa ala do'do bana sila-la nai tina-la dalek-ka, muse lenis leo Manetualain Lalaa Teman-na neu. Sila muse leni tunu-hotuk sila-la leo imam-ma, nai Manetualain Lalaa Teman-na lelesun-na, bafan-na neu, fo ana do'don nai ndia, fo soaneu tutunu-hohotu mole-dame.

IMAMAT 17:5 ပူးပေါင်းရင်းမြစ်များ

KEJADIAN 21:33

Boema Abraham sele ninilu esa, nai Bersyeba, de mulai faik ndia, ana pake mamanak ndia, soaneu sene-do'ok neu Amak, Manetualain, fo manaketu-basa taak-ka.

KEJADIAN 22:13

Boema, Abraham mete leo boboa-kaisun neu, de nita bi'ilopo mane esa, susulan-na kai nai makatemak dale. Abraham ho'un-na bi'ilopo ndia, boema ana tunu-hotu fen neu Manetualain, da'di neu tutunu-hohotu nanatunuk, nggati anan-na.

KEJADIAN 22:2

Boema Manetualain nae, “Moo o anamane kisa susuem-ma, fo meu leo dae Moria meu. Neukose, Au atu'du o, letek esa nai ndia, fo nai letek ndia lain, o tunu-hotu o anam-ma, da'di neu tutunu-hohotuk nanatunuk fe Au.”

KEJADIAN 31:54

Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain.

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

1RAJA-RAJA 3:2

Nanahu Manetualain Uman-na beita nananafofo'ak nai lelek ndia fa, de laun-na bei fe tutunu-hohotuk boomenik nai pupukuk-kalalain manai mamana mata-matak-kala.

1RAJA-RAJA 3:3

Salomo sue-lai Manetualain ma ana tunga aman natutu'du nala, tehu ana bei do'do bana ma ana tunu-hotu boomenik nai pupukuk-kalalain manai mamana mata-matak-kala.

2RAJA-RAJA 16:4

Ahas fe tutunu-hohotuk ma tunu boomenik, nai lamatua daebafak-ka mamana sosongo-tatangon, nai letek-kala, ma nai ai matuaina-la huun-na.

2RAJA-RAJA 17:10

Nai basa pupukuk-kala lain, ma nai basa ai matuaina-la huun-na, ala kota batu lutu-la, ma ala tao lamatua daebafa Inak Asyera, dodoki-dudulan.

2TAWARIKH 28:4

Ahas fe tutunu-hohotuk ma ana hotu boomenik nai mamana sosongo-tatangok neu lamatua daebafak-ka nai lete-letek-kala ma nai ai doo manaleloakak-kala huun-na.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 22:9

Nai o laum-ma dalek, hapu hataholi manatui dede'a pe'dak, fo lakasasa'ek dede'ak neu hataholi fe'ek, fo ela hataholi ndia nanahukunisak. Hapu nggelok boe, ala hii la'a paa fo, nanatunu-hotu basak neu sosongo-tatangok-kala so. Hapu nggelok seluk bai, ala hii tao tatao-nono'i manggenggeok.

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

IMAMAT 17:6

Imam-ma, muse pisi bana sila daan-na neu mei tunu-hotuk-ka boboan-nala, nai Manetualain Lalaa Teman-na lelesun-na, bafan-na, boema ana tunu minan-na, fo ela boon-na, nandaa no Manetualain dalen-na.

ULANGAN 12:2

Emi masok mala nusak ndia dalek soona, emi muse tao makalulutuk, leoina manaleo manai sila-la, mamana sene-do'ok neu sila lamatua daebafak nala. Mamana sosongo-tatangon manai letek mademaina-la poin-na, manai pupukuk-kala poin-na, ma manai ai matuaina-la huun-na.