IMAMAT 17:15 - Susula Malalaok Hehelu Palak Ma Hehelu Beuk

¹⁵ Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 17:15 ပူးပေါင်းရင်းမြစ်များ

KELUARAN 22:30

ma emi sapim-ma, emi bi'ilopom-mala, ala bongi ana maneanak makasososak-ka. Po'i bana sila-la lahele loo inan-nala, faik hitu dalen-na, boema neu fai ka falun-na soona, fes leo Au mai.

KELUARAN 22:31

Au anang emi, hu ndia de bana fuik-ka kaa-na bana beek ndia boe, emi ta bole mi'a paan-na fa; fen neu busa-la.”

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

YESKIAL 44:31

Manupui mates, ma bana mates, do bana makaak-kala, ala kaa lisan soona, basa imam-mala, ta bole la'a paa ndia fa.”

IMAMAT 11:24

Hataholi esa da'di hataholi manggenggeok losa le'do tenak, metema ana koila'e bana sila-la esa popolan-na: bana fo maeifangak, ta'da fe'e eifangan-na naba'e ma ana doa fo ana aale, ma bana fo ein 4, ma eifangan-na matane. Ba'eneu see, fo ana ho'i neni bana matak leondiak-ka popolan-na soona, muse ana safe bua papaken-na, tehu bei nanggenggeo losa le'do tenak.

IMAMAT 11:31

Ba'eneu see, fo ana koila'e bana sila-la do ana koila'e popolan-nala soona, hataholi ndia manggenggeok losa le'do tenak.

IMAMAT 11:32

Metema, mate bana sila-la esa, fo ana tu'da la'e buas esa soona, buas ndia da'di naggenggeo. Nakanenetek ndia ana da'di soaneu basa hata lala'en fo taon neme ai, si'di, ai louk, bana louk, do kalong, ma basa hata fo paken soaneu su'di beek-ka boe. Muse ene buas sila-la leo oe dale neu, tehu bei langgenggeo lahele losa le'do tenak.

IMAMAT 11:39

Ba'eneu see, fo ana koila'e bana mates fo ta nalulik fa, soona nanggenggeo losa le'do tenak.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

IMAMAT 15:10

Ba'eneu see, fo nangatuuk neu buas esa lain, fo hataholi kamahe'dis ndia nangatuuk hai neme buas ndia lain so, soona ana da'di manggenggeok, losa le'do tenak. Hataholi manaso'u buas ndia, muse ana safe bua papaken-na, ma nadiu oe, tehu nanggenggeo losa le'do tenak.

IMAMAT 15:21

Ba'eneu see, fo nangatuuk neu mamanak, fo inak ndia nangape'uk hai neme lain, do nangatuuk hai neme mamanak ndia soona, muse ana safe bua papaken-na, ma nadiu oe, tehu nanggenggeo losa le'do tenak.

IMAMAT 15:5

Ba'eneu see, fo ana koila'e do nangatuuk neu hataholi manamoe nanak ndia mamana tutuun-na, do ana mu'di apen-na la'en soona, muse ana safe bua papaken-na ma nadiu oe, tehu ana da'di manggenggeok losa le'do tenak

IMAMAT 22:8

Imam ndia nanakena-ka'ik soaneu na'a bana manamate aok paan-na, do bana fo bana makaak-kala kaa lisan, paan-na. Metema na'an soona, nanggenggeo. Au nde Manetualain.

IMAMAT 7:24

Bana fo ana mate aon do hu kande bana makaak-kala kaa lisan soona, ta bole la'a minan-na fa, tehu bole paken soaneu paluu fe'e-fe'ek-kala.

BILANGAN 19:19

Ana muse pisin nai faik-ka telun-na, ma faik-ka hitun-na. Neu faik-ka hitun-na soona, basa feta tao nalalao-nalalafu hataholi manggenggeok ndia. Hataholi ndia, muse safe bua papaken-na, ma nadiu oe. Lelek le'do mulai tenak soona, ana da'di balisi.

BILANGAN 19:21

Nakanenetek ndia, nanapakek losa dodoon-na. Hataholi manapisi oe feta ndia boeo, muse safe bua papaken-na, fo oe ndia la'e hataholi-a, nanggenggeo losa le'do tenak.

BILANGAN 19:8

Hataholi manahotu sapi ndia boeo, muse safe bua papaken-na, ma nadiu oe; hataholi ndia boeo, bei nanggenggeo losa le'do tenak.

ULANGAN 14:21

Emi ta bole mi'a bana manamateaok-kala, paan-na fa, tehu hataholi nusa dea fo, manaleo manai emi nusam-ma, bole la'a, do lase'os leo leoina nusa dea-la neu. Emi nde been-na, hataholi fo, nanahele hehelik soaneu emi Manetualaim-ma. Ta bole nasu bi'ilopoana do bi'ihiiana paan-na, nenik inan su'uoen-na fa.”

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.