IMAMAT 16:26 - Susula Malalaok Hehelu Palak Ma Hehelu Beuk

²⁶ Hataholi fo neu po'i bi'ihiik-ka ba'eneu Azazel nai moo solokaek-ka, ana beita fali ma'in leo mamana ofuk-ka mai fa, te muse ana safe liman-na, ma nadiu oe.

IMAMAT 16:26 ပူးပေါင်းရင်းမြစ်များ

IMAMAT 11:24

Hataholi esa da'di hataholi manggenggeok losa le'do tenak, metema ana koila'e bana sila-la esa popolan-na: bana fo maeifangak, ta'da fe'e eifangan-na naba'e ma ana doa fo ana aale, ma bana fo ein 4, ma eifangan-na matane. Ba'eneu see, fo ana ho'i neni bana matak leondiak-ka popolan-na soona, muse ana safe bua papaken-na, tehu bei nanggenggeo losa le'do tenak.

IMAMAT 11:31

Ba'eneu see, fo ana koila'e bana sila-la do ana koila'e popolan-nala soona, hataholi ndia manggenggeok losa le'do tenak.

IMAMAT 11:32

Metema, mate bana sila-la esa, fo ana tu'da la'e buas esa soona, buas ndia da'di naggenggeo. Nakanenetek ndia ana da'di soaneu basa hata lala'en fo taon neme ai, si'di, ai louk, bana louk, do kalong, ma basa hata fo paken soaneu su'di beek-ka boe. Muse ene buas sila-la leo oe dale neu, tehu bei langgenggeo lahele losa le'do tenak.

IMAMAT 11:39

Ba'eneu see, fo ana koila'e bana mates fo ta nalulik fa, soona nanggenggeo losa le'do tenak.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

IMAMAT 14:8

Basa soona, hataholi ndia muse safe bua papaken-na, nggeu polik langadoon-na, ma nadiu oe. Soona ana lea-hai so, de ana bole masok leo mamana oofuk dale neu, tehu nai faik hitu dalen-na seluk, ana beita bisa masok leo ndia uma ofun dale neu fa.

IMAMAT 15:27

Ba'eneu see, fo ana koila'e mamanak ndia soona, nanggenggeo boe. Muse ana safe bua papaken-na, ma nadiu oe, tehu nanggenggeo losa le'do tenak

IMAMAT 16:10

Bi'ihiik fo nanahelek ba'eneu Azazel-la, muse ana pa'a kalaok kana nai Manetualain matan, soona usi henin leo moo solokaek-ka neu, ba'eneu Azazel, fo ela leoina Israel-la sala-singon nanalose henik.

IMAMAT 16:25

Bana mina soaneu tutunu-hohotuk fo sala-singok hapu do'o do ampon-na, muse tunun nai mei tunu-hotuk-ka.

IMAMAT 16:28

Hataholi manatunun-nana, ana beita fali ma'in leo mamana oofuk-ka mai fa te, muse ana safe bua papaken-na, ma nadiu oe.

IMAMAT 16:8

Nai ndia, ana muse tu'u batu, nenik ana pake batu dua, fo ana tao ta'du neu esa, nenik dede'ak-ka nae, “soaneu Manetualain”, ma esa seluk, nenik dede'ak-ka nae, “soaneu Azazel”.

BILANGAN 19:21

Nakanenetek ndia, nanapakek losa dodoon-na. Hataholi manapisi oe feta ndia boeo, muse safe bua papaken-na, fo oe ndia la'e hataholi-a, nanggenggeo losa le'do tenak.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.