IMAMAT 16:21 - Susula Malalaok Hehelu Palak Ma Hehelu Beuk

²¹ Muse ana lalaa liman duas neu bi'ihiik ndia langan lain, no ana manaku la'iesak leoina Israel-la salan-na, sala-singon ma lala'olenan-nala. No enok ndia, basa leoina Israel-la salan-nala, nanalali henik leo bi'ihiik ndia langan lain neu. Boema, muse nadenu hataholi esa, fo ana usi heni bi'ihiik ndia leo moo solokaek-ka neu.

IMAMAT 16:21 ပူးပေါင်းရင်းမြစ်များ

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

MAZMUR 51:3

Sue-lai au, ou Manetualain, nanahu O sue-lai mahele au, lose heni au sala-singong nanahu O susue-lalai matuainam-ma.

KELUARAN 29:10

Basa soona, o muse hela meni sapi mane ndia leo Au Lalaa Temang-nga matan-na neu. Harun no anan-nala muse lalaa liman-nala neu bana ndia langan lain.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

IMAMAT 1:4

Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 16:20

Tao basa feta nalalao-nalalafu Kama Malalao-malalafuk nanseli-a, ma Manetualain Lalaa Teman-na, boema mei tunu-hotun-na soona, Harun muse tunu-hotu fe Manetualain bi'ihii kalaok fo nanahelek ba'eneu Azazel-la.

IMAMAT 16:22

Bi'ihiik ndia, nde neni la'iesak leoina Israel-la sala-singon leo mamana tokotiik fo hataholi ta leo fan, de muse po'in nai moo solokaek-ka.

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

IMAMAT 5:5

Nai basa tatao-nono'ik sila-la dalek, hataholi masalak-ka, muse manaku salan-na.

ROMA 10:10

Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.