IMAMAT 16:2 - Susula Malalaok Hehelu Palak Ma Hehelu Beuk

² nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

IMAMAT 16:2 ပူးပေါင်းရင်းမြစ်များ

1RAJA-RAJA 6:16

Nai uma ndia dalek, fo nai boboan dea ala taok-kama de ala ta'da ba'ek kama ndia nenik papala ai kaiou, fo mulai neme uma laten-na mai losa hunun-na. Kama Malalao-malalafuk nanseli ndia nanalun-na metel sio.

1RAJA-RAJA 8:6

Basa ndia boema, basa imam mala leni Peti Hehelu-balataak ndia leo Manetualain Uman neu de ala pe'dan nai mahahae nusa so'dak sila-la doki dulan daen-nai Kama Malalao-malalafuk nanseli-a dalek.

KELUARAN 30:10

Harun muse tao nalalao-nalalafu mei tunu-hotuk-ka teuk esa la'iesa nenik ana pisi mei tunu-hotuk-ka bana susulan haas nenik bana fo nanatunu-hotuk soaneu sala-singok hapu do'o do ampon, daan-na. Ana muse tao leondiak tunga teuk ma neme bobongik leo bobongik neu. Mei tutunu-hohotuk ndia muse malalao-malalafuk ma nanafe hehelik soaneu Au.”

IMAMAT 16:13

Ana muse tunu boomenik ndia, nai Peti Hehelu-balataak-ka matan, nalosa masun-na potin-na Peti ndia tatanan-na, de Harun ta hapu nita peti ndia fa, nana metema Harun nita Peti ndia soona, neukose maten.

IMAMAT 16:34

Muse tao feta ndia la'i esa, nai teuk esa dalen-na, soaneu tao nalalao-nalalafu leoina Israel-la neme sila sala-singon lala'en-na mai. Nakanenetek sila-la, nde muse ala tungan losa dodoon-na. Musa tao tungan, sama leo hata fo Manetualain paleta neun.

IMAMAT 8:35

Nai faik hitu dalen-na, lele'do-le'odaen, emi muse mahele nai Lalaa Temak-ka lelesun-na bafan-na, fo tao hata fo Manetualain paletan. Metema, emi ta tao tunga fan soona, neukose mate emi. Dede'ak ndia, nde Manetualain paletan neu au.”

BILANGAN 17:10

Basa boema, Manetualain nafa'da Musa nae, “Pe'da fali Harun ai tete'en-na, neu Peti Hehelu-balataak-ka matan-na. Muse pe'da ai tete'ek ndia, da'di leo nasanene'dak ba'eneu hataholi Israel fo, manalena-la'ban paleta sila-la, ma mae metema bemumu lakandoo soona neukose mates.”

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 4:5

Manetualain fe Musa, paleta nde ia nae, Metema fain-na losa, fo ofe heni mamana ofu-la soona. Harun no anan-nala muse leu leo Manetualain Lalaa Teman dale leu, fo lakona heni tema lelesu manai Peti Hehelu-balataak-ka uluk, fo poti ketu Peti ndia nenik tema lelesu ndia.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 9:25

Imam matua ina Yahudi la, tunga teuk soona, ala do'do lini bana esa daa na, fo ala masok leo Kama Malalao-Malalafuk ndia dalek leu. Tehu Kristus ta neu tunu-hotu fali-fali no ao ina na, nai ndia fa.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.

IBRANI 9:5

Nai Peti ndia lain, hapu mahahae mali'dak dua, fo duas da'di neu ta'du esa nae, Manetualain nai mamanak ndia. Mahahae kaduak sila la, li'da nala lakapepela ketu basa Peti ndia tatana na, fo sala-singo kala nanafe do'o do ampon nai mamanak ndia. La'eneu dede'ak ia, besak ia ita beita hapu tafa'da mangalele'do dede'ak ndia fa.

NINITAK 15:8

Boema Manetualain Uman ndia henuk no ha'imasuk maneme Manetualain matua-mademan ma koasa na mai. Ata nusa so'da kahituk fo manini susa-soe kahituk sila la beita nate'e fa soona, ta hapu hataholi esa boen hapu masok leo Manetualain Uman dale neu.