IMAMAT 16:14 - Susula Malalaok Hehelu Palak Ma Hehelu Beuk

¹⁴ Boema, Harun muse ho'in-na sapi daa faaanak, fo ana pisi daak ndia neu Peti Hehelu-balataak-ka, tatanan-na uluk, ma la'i hitu neu Peti uluk.

IMAMAT 16:14 ပူးပေါင်းရင်းမြစ်များ

IMAMAT 16:19

Muse ana pisi daak ndia faaanak la'i hitu, leo mei tunu-hotuk lain neu. No enok ndia, ana tao nalalao-nalalafu mei tunu-hotuk-ka neme leoina Israel-la manggenggeon-na mai, fo ela ala da'di balisi.

IMAMAT 4:17

Nai ndia, muse ana dope limaku'un-na leo daak ndia dalek neu, fo ana pisin la'i hitu neu tema lelesu fo manata'da fe'e Kama Malalao-malalafuk-ka, bafan-na.

IMAMAT 8:11

Ana pisi mina ndia faaanak la'i hitu leo mei tunu-hotuk lain neu, no basa oe-isin lala'en-na, boeo ana pisin neu baak oe no buin-na. No enok ndia, basa hata lala'en-na, nanafe hehelik ba'eneu Manetualain so.

BILANGAN 19:4

Soona Imam Eleazar-ra, muse ho'in-na bana ndia daan faaanak, fo nasale leo Manetualain Lalaa Teman-na neu, fo ana pisin la'i hitu.

IBRANI 10:19

Naa, tolano-tolanoo ngala lemin, neme Yesus mamaten ndia mai, de besak ia ita tapalani masok leo Kama Malalao-malalau ka dalek teu.

IBRANI 10:4

nanahu memak sapi daa no bi'ihii mane daa, ala ta hapu loseheni sala-singok fa.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 9:13

Bi'ihii ka daa na ma sapi mane daa na, boema sapi ana tutunu-hohotu ka afu na, nanapakek, soaneu nanapisik, metema ala pisi bi'i daa, ma sapi mane daa neu hataholi a soona, hataholi ndia balisi neme sala-singon mai.

IBRANI 9:21

Basa boema, Musa pisi bana daa ndia, neu Lamatua ka Uma Lopo na, ma basa bua lo'as fo ala paken soaneu ala hule-haladoi ka boe.

IBRANI 9:25

Imam matua ina Yahudi la, tunga teuk soona, ala do'do lini bana esa daa na, fo ala masok leo Kama Malalao-Malalafuk ndia dalek leu. Tehu Kristus ta neu tunu-hotu fali-fali no ao ina na, nai ndia fa.

IBRANI 9:7

Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.