IMAMAT 16:10 - Susula Malalaok Hehelu Palak Ma Hehelu Beuk

¹⁰ Bi'ihiik fo nanahelek ba'eneu Azazel-la, muse ana pa'a kalaok kana nai Manetualain matan, soona usi henin leo moo solokaek-ka neu, ba'eneu Azazel, fo ela leoina Israel-la sala-singon nanalose henik.

IMAMAT 16:10 ပူးပေါင်းရင်းမြစ်များ

IMAMAT 14:7

Imam-ma, muse pisi manupui ndia daan-na la'i hitu neu hataholi manalea-haik ndia, ma nafa'da nae, ana lea-hai so. Boema, muse ana po'i falik manupui maso'dak-ka leo mook-ka neu.

IMAMAT 16:8

Nai ndia, ana muse tu'u batu, nenik ana pake batu dua, fo ana tao ta'du neu esa, nenik dede'ak-ka nae, “soaneu Manetualain”, ma esa seluk, nenik dede'ak-ka nae, “soaneu Azazel”.

IMAMAT 16:9

Bi'ihiik fo nanahelek ba'eneu Manetualain-na, muse ana tunu-hotun, soaneu tutunu-hohotuk fo sala-singok hapu do'o do ampon,

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.