IMAMAT 15:31 - Susula Malalaok Hehelu Palak Ma Hehelu Beuk

³¹ Manetualain nadenu Musa, fo ana fe nasanene'dak neu leoina Israel-la, fo daenga ala taoafik neu, faihi'da langgenggeo ma faihi'da ta langgenggeo fa, fo ela ala ta tao langgenggeo Manetualain Lalaa Teman fo nai sila mamana ofun-na tala'da heon. Metema, ala tao langgenggeo Lalaa Temak ndia soona, neukose mates.

IMAMAT 15:31 ပူးပေါင်းရင်းမြစ်များ

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

YESKIAL 23:38

Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

YESKIAL 36:17

“Hai hataholi daebafak fo, manasapu-manalalok-konei, lelek hataholi Israel-la, ala leo leme sila nusan-na dalek-ka, ala tao langgenggeon nenik sila tatao-nono'in-nala so. Sila ha'da-tataon ndia manggenggeok sama leo inak fo ana hapu he'di bulak.

YESKIAL 44:23

Basa imam-mala, muse lanoli Au anang-ngala, soaneu ala bisa mete lalelak, beek-kande nanafe hehelik neu Au, ma beek-kande ta, beek-kande balisi, tunga agama, ma beek-kande manggenggeok.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

IMAMAT 11:47

Emi muse bisa mete malelak, beek-ka nde balisi, ma beek-ka nde manggenggeok, bana beek-ka nde bole na'a paan-na, ma bana beek-ka nde, ta bole na'a paan-na fa.

IMAMAT 13:59

Pulu po'ok fo nai bua-lo'as do nai temak fo tenun neme abalutu mai, do nai temak bi'ibulu, do nai su'di buas bee boe, fo taon neme ailouk do bana louk-ka mai, nakaneneten-na leondiak.

IMAMAT 15:32

La'eneu basa touk fo ala moe nanak, nanahu ala hapu he'dis nai mamaen-na, do touk fo ana sungu no inak soona, ana kalua heni bini-nggen leo deak neu,

IMAMAT 19:30

Tao fai malole Sabat-ta, ma fe ha'da-holomata neu mamanak fo nanahele hehelik, soaneu sene-do'ok neu Au. Au nde Manetualain.

IMAMAT 20:3

Hataholi fo, ana tunu-hotu anan-na soaneu nitu Molokh-ka, ana tao nanggenggeo Au Lalaa Temang-nga, ma nakadadaek Au na'de malalao-malalafung-nga. Neukose Au hukun, ma Au ta sipok-ka da'di Au anang so'on.

IMAMAT 21:23

Hu kande, hataholi ndia lu'u la'ak, de ana ta bole deka no tema lelesu, fo manata'da ba'e Kama Malalao-malalafuk-ka, no mei tunu-hotuk-ka fa. Ana ta bole tao nanggenggeo basa hata-hata fo nanafe hehelik soaneu Au, nanahu Au nde Manetualain-na, de Au nde hele hehelik buas sila-la.”

BILANGAN 19:13

Hataholi fo, aon-na la'e mamates-sa, tehu ana ta tao nalalao-nalalafu aoinan-na, nde been-na manggenggeok, nanahu beita nanapisik nenik oe feta fa. De ana tao nanggenggeo Manetualain Lalaa Teman-na, hu ndia de, ta nanalekek da'di Manetualain anan-nala so'on.

BILANGAN 19:20

Hataholi fo nanggenggeo, tehu ana ta tao feta tao nalalao-nalalafu aoinak-ka fa soona, manggenggeok nahele, nanahu beita nanapisik nenik oe feta fa. Ana tao nanggenggeo Manetualain Lalaa Teman-na, de ta nanalekek da'di Manetualain anan-nala so'on.

BILANGAN 5:3

Muse nadenus fo ala la'o, fo ela ala boso tao langgenggeo mamana ofu-a, fo nai bee, Au leo sama-sama o Au anang-ngala.”

1 KORINTUS 3:17

Metema hapu hataholi tao nalutu Manetualain uma na soona, neukose Manetualain boeo tao nalutu hataholi ndia. Nana Manetualain uma na nde bee na, soaneu ka'da Manetualain mesa kana, fo emi nde uma ndia.

ULANGAN 24:8

Metema, hapu he'di lou mangalauk, fo imam-mala paleta emi tao beek soona, taon no malolen-na; tunga natutu'duk fo, au fen neu imam sila-la.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

SEMUEL SUSULAK-KA ESAN-NA 3:14

Hu ndia de, Au soo-supa fe Eli teidale-bobongin-na, ae leomae tutunu-hohotuk do tunu-hotu matak leo beek ndia boeo, neukose ta hapu lose heni sila sala-singo matuainan ndia, losa dodoon-na.”