IMAMAT 14:8 - Susula Malalaok Hehelu Palak Ma Hehelu Beuk

⁸ Basa soona, hataholi ndia muse safe bua papaken-na, nggeu polik langadoon-na, ma nadiu oe. Soona ana lea-hai so, de ana bole masok leo mamana oofuk dale neu, tehu nai faik hitu dalen-na seluk, ana beita bisa masok leo ndia uma ofun dale neu fa.

IMAMAT 14:8 ပူးပေါင်းရင်းမြစ်များ

2TAWARIKH 26:21

Losa Manek Uzia maten te, he'di-laun ndia ta lea-hai makandondook fa. Ala fen leo pasi fe'e nai uma esa dalek, ma ala ta fen loak masok leo Manetualain Uman dale neu so'on. Ala fen hahae neme bela-ba'un mai, de anamanen Yotam paleta laun-na da'di leo limaboa konan-na.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 19:14

Basa boema, Musa kona neme letek lain mai, de nadenu hataholi sila-la laheheleaon, soaneu makaluku-makatele. Nafa'da nae, “Binesak soona, emi muse maheheleaom, ma besak ia, saotouk saoinak, ta bole sungu lakabubua fa.” Boema leoina ndia, mulai laheheleaon, ma ala safe-saa sila bua papaken-nala.

IMAMAT 14:20

fo ana tunu-hotun sama-sama no tutunu-hohotu nana'ak-ka nai mei tunu-hotuk lain. No enok ndia, imam-ma tao feta nalalao-nalalafuk, ba'eneu hataholi ndia, fo ana lea-hai.

IMAMAT 14:9

Neu fai ka hitun-na soona, muse ana nggeuheni la'iesak langadoon-na, nggolomein-na boe, mata bulun-na, ma basa bulu-buluk manai aopaan-na. Boema, muse ana safe bua papaken-na, ma nadiu oe. Basa ndia soona, besak-ka ana lea-hai.

IMAMAT 15:13

Metema, hataholi ndia lea-hai soona, muse nahani seluk faik hitu dalen-na. Basa ndia soona, muse ana safe bua papaken-na, ma nadiu oe nai oemata dale, soona hataholi ndia balisi.

IMAMAT 8:6

Boema nadenu Harun no anan-nala leo uluk leu, fo ala safe-saa aoinan-nala.

BILANGAN 6:9

Metema hataholi nazir esa, ana fe hehelik langadoon-na so, boema langadoon-na nanggenggeo nanahu ana deka hataholi fo maten no kaiboik, soona ana muse nahani faik hitu dalen-na; basa ndia soona, muse ana ngguteheni langadoon-na, ma nggolomein-na, fo besak-ka ana da'di malalaok.

BILANGAN 8:7

nenik eno-dalak ia: pisis nenik oe fo paken soaneu tao nalalao-nalalafu aoinak-ka, ma madenus fo ala nggeuheni basa buluk manai aoinan-nala lala'en-na, ma ala safe bua-papaken-nala. No enok ndia, fo ala da'di balisi.

ULANGAN 21:12

Soona moo inak ndia, leo o umam neu. Losa uma soona, ana muse ngguteheni langadoon-na, ma ana soeheni lima fangan-nala,

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.