IMAMAT 14:7 - Susula Malalaok Hehelu Palak Ma Hehelu Beuk

⁷ Imam-ma, muse pisi manupui ndia daan-na la'i hitu neu hataholi manalea-haik ndia, ma nafa'da nae, ana lea-hai so. Boema, muse ana po'i falik manupui maso'dak-ka leo mook-ka neu.

IMAMAT 14:7 ပူးပေါင်းရင်းမြစ်များ

2RAJA-RAJA 5:10

Elisa nadenu atan esa, neu nafa'da Naaman nae leo ia, “Tuan, neu nadiu oe nai Lee Yarden-na la'i hitu, fo neukose Tuan lea-hai no malole.”

2RAJA-RAJA 5:14

Hu ndia de, Naaman neu leo Lee Yarden-na neu, boema neu leo oe dale neu, de ana bolo aon-na, la'i hitu leo oe dale neu, sama leo Elisa nadenuk-ka. Boema, Naaman lea-hai. Aon-na malole falik, sama leo aon fo, bei muli solun-na.

MAZMUR 51:2

ndek lelek Nabi Natan-na kena-ka'i basan, nanahu ana hohonge no Batsyeba.

MAZMUR 51:7

Tete'ek-ka, au hataholi mangalauk neme lelek bongi au-a, ma au inang nailu au-a nai sala-singok-ka dalek.

YESAYA 52:15

Tehu besak ia, ana taon-na leoina makadotok dodoo doak-kana, mane-manek-kala, ta lahahala fa, nanahu ala dodoo doak-kana. Neukose ala lita, ma lalelak, hata fo makahulun-na, ala ta bubuluk-kana fa.”

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

IMAMAT 13:13

ma tunga imam-ma palisan-na, he'dis ndia, ana sii dapa-dapa leo basa aoinan-na lala'en-na neu, ma loun-na basa-basan fulak soona, imam-ma nafa'da nae, hataholi ndia, lea-hai so.

IMAMAT 13:17

fo ana palisak seluk-kana. Metema, memak bisu ndia da'di fulak so, soona imam-ma muse nafa'da nae, hataholi ndia, lea-hai so.

IMAMAT 14:51

Boema, muse dope ai kaiou, tali pilas-sa ma aiana hisop-pa ma manupui kalaok-ka leo manupui nanado'dok-ka daan dale, ma leo oemata beuk dale neu. Basa ndia soona, muse pisi uma ndia la'i hitu.

IMAMAT 16:14

Boema, Harun muse ho'in-na sapi daa faaanak, fo ana pisi daak ndia neu Peti Hehelu-balataak-ka, tatanan-na uluk, ma la'i hitu neu Peti uluk.

IMAMAT 16:19

Muse ana pisi daak ndia faaanak la'i hitu, leo mei tunu-hotuk lain neu. No enok ndia, ana tao nalalao-nalalafu mei tunu-hotuk-ka neme leoina Israel-la manggenggeon-na mai, fo ela ala da'di balisi.

IMAMAT 16:22

Bi'ihiik ndia, nde neni la'iesak leoina Israel-la sala-singon leo mamana tokotiik fo hataholi ta leo fan, de muse po'in nai moo solokaek-ka.

IMAMAT 4:17

Nai ndia, muse ana dope limaku'un-na leo daak ndia dalek neu, fo ana pisin la'i hitu neu tema lelesu fo manata'da fe'e Kama Malalao-malalafuk-ka, bafan-na.

IMAMAT 4:6

Boema, muse ana dope limaku'un-na leo daak ndia dalek neu, fo ana pisin la'i hitu neu tema lelesu matan fo manata'da fe'e Kama Malalao-malalafuk-ka

IMAMAT 8:11

Ana pisi mina ndia faaanak la'i hitu leo mei tunu-hotuk lain neu, no basa oe-isin lala'en-na, boeo ana pisin neu baak oe no buin-na. No enok ndia, basa hata lala'en-na, nanafe hehelik ba'eneu Manetualain so.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

BILANGAN 19:12

Neu faik-ka telun-na ma faik-ka hitun-na soona, ana muse tao nalalao-nalalafu aoina nenik oe feta; soona besak-ka balisi. Tehu metema, neu faik-ka telun-na, ma faik-ka hitun-na, ana ta tao balisi aoinan-na fa soona, nanggenggeo nahele.

YOHANIS 19:34

Tehu solda'du esa nai solda'du sila la dalek, ana pau Yesus kaisu na ninik tee. Boema no kaiboik, daak ma oe a ala kalua leon.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 9:13

Bi'ihii ka daa na ma sapi mane daa na, boema sapi ana tutunu-hohotu ka afu na, nanapakek, soaneu nanapisik, metema ala pisi bi'i daa, ma sapi mane daa neu hataholi a soona, hataholi ndia balisi neme sala-singon mai.

IBRANI 9:19

Makasososa na, Musa nafa'da Manetualain paleta kasanahulu na neu hataholi Israe la. Basa ndia boema, Musa ho'i na sapi a daa na, ma bi'i hii mane a daa na, de ana sese'do kana no oe, de basa boema, ana pisin neu Manetualain Susula hoholo-lalanen, ma neu basa hataholi Israe la. Ana pisi ninik na'u esa na'de, hisop doo na, ma bi'ilopo pila balanggeo ka, bulu na.

IBRANI 9:21

Basa boema, Musa pisi bana daa ndia, neu Lamatua ka Uma Lopo na, ma basa bua lo'as fo ala paken soaneu ala hule-haladoi ka boe.

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

1 YOHANIS 5:6

Yesus Kristus mai leo daebafa ka mai, boema salanin ma maten. No enok ndia, Ana mai ta ka'da no oe mesa kana fa, te no oe ma daak. Boema Manetualain Dula Dale na sakasii nae, memak dede'ak ndia, tete'e ka. Mafandendelek te, Dula Dale ka, ta masa pepeko-masandandalik fa.